728 nakabenepisyo sa gipahigayong free legal assistance ni Mabatid

MOABOT ngadto sa 728 ka mga tawo ang natabangan sa free legal assistance nga gipahigayon ni Cebu City Councilor - elect Niña Mabatid.

Kini taliwa sa pagkansela sa Integrated Bar of the Philippines (IBP)-Cebu City Chapter sa ilang free legal assistance nga gihulagway sa kritiko ni Mabatid nga giangkod sa kasamtangang kapitan sa barangay Mabolo gumikan sa poster nga nanggawas sa social media.

Si Mabatid nakig-alayon sa IBP apan gisaway siya ni outgoing City Councilor nga mao karon nag iyang gikabangi sa hilabi na sa social media sanglit sa poster, molutaw nga si Mabatid ang nagpasiugda.

Bisan sa pag-atras sa IBP, si Mabatid nikuha og 24 ka abogado wa pay labot ang inhouse lawyers para maoy motabang sa mga nanginahanglan niadtong Hunyo 15.

Nagdasok ang mga tawo didto sa iyang buhatan sa Pinoy Care, 5th floor sa CFI Building sa Capitol compound kinsa adunay mga problema sa ilang birth certificate ug kadtong way mga dokumento sa ilang pagkatawo ug daghan pang uban.

Ang free legal services lakip sa Paspas Card, usa ka programa nga gitanyag ni Mabatid para sa mga residente sa north district apan niadtong Hunyo 15, bisan ang taga south giapipan og tabang sa umaabot nga konsehal.

Gumikan sa maayong resulta, nagplano si Mabatid mga mohimo sa free legal services matag tulo ka buwan. (PAC)