SECTIONS
Thursday, July 18, 2019
SUPERBALITA CEBU

Joemang’s/UC nakaipsot sa mga kuko sa Panthers

NAKAIPSOT ang Joemang’s Surplus-University of Cebu (UC) Webmasters sa pagpanghudlat sa University of Southern Philippines Foundation (USPF) Panthers aron iposte ang 84-79 nga kadaugan sa main game kagabii sa Cebu Schools Athletic Foundation Inc. (CESAFI) 2019 Partner’s Cup college division sa Cebu Coliseum.

Sa kadaugan, napahugtan sa Webmasters ang ilang paggunit sa solong liderato bitbit ang 3-0 nga rekord samtang ang Panthers natagak sa 0-2.

Gikan sa sikit nga kombati sa 1st half, ang Webmasters ni coach Raul “Yayoy” Alcoseba ningpabulhot sa ilang opensa aron pagrehistro og 20 puntos nga labaw, 59-39, sa ulahing bahin sa 3rd quarter.

Gamit ang ilang pilit nga depensa, ang Panthers hinayhinay nga ninggukod hangtod nga nakasikit sila pagbalik, 70-72, sa nahabiling kapin sa 3:00 ka mga minutos.

Nakaginhawa og luag-luag ang Webmasters dihang nakapabuto og three-point bomb si John Calvin Jabello nga maoy nagdugkat sa ilang 9-0 run nga nag-inat sa ilang labaw ngadto sa 79-70, sa nahabiling 1:15 minutos.

Wala dayon moisa sa ilang putting bandera ang Panthers ug ningsikit pa kini pagbalik, 76-79, sa nahabiling 58 ka mga segundos.

Apan ningbawos ang Webmasters og 5-0 run aron inaton na sab ang ilang bintaha, 84-76, sa himatyong mga segundos aron iseguro ang ilang kadaugan.

Sa high school division, gipangpukan sa ARQ Builders-University of the Visayas (UV) Baby Green Lancers ang Sacred Heart School-Ateneo de Cebu (SHS-AdC) Magis Eagles, 68-65, samtang gipanglupig sa USPF Baby Panthers ang University of San Jose Recoletos (USJR) Baby Jaguars, 75-69. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph