BUKAS na ang Pasalubong Center o Ginama alang sa publiko ug mga turista nga mahidangat sa siyudad diin nahimutang sa Gaston Park, Rizal Street sa siyudad sa Cagayan de Oro.
Gipahigayon ang soft opening atol sa Charter Day sa siyudad diin gipahigayon ang libreng tilaw sa mga produkto nga brownies, kape, peanut butter, fresh milk, suka ug uban pa.
Gibutyag ni Eileen San Juan, City Investments and Promotions officer, nga ang Ginama programa sa lokal nga kagamhanan sa siyudad inabagan sa Department of Trade and Industry (DTI) ilabi na kining One-Town-One-Product Philippines (Otop.ph).
Kini produkto sa gipahigayong mga trainings ug livelihood program.
"Produkto kini sa atong mga trainings nga gihatag, sa mga livelihood programs and gipili gyud ni sila kay we are not accepting just who have taken the conduct," matud ni San Juan.
Mismong gitambongan usab kini ni DTI Assistant Secretary Demphna Du-Naga, kinsa niingong ang lokal nga kagamhanan ang mag-atiman sa operasiyon ug ang mga produkto mao kining napalambo na o nipasa na sa DTI.
"Pag maganda na, na-assist na ang packaging, design, and branding pwedi na sila dyan kasi pangita naman kug hindi branded yung ating product. Gi-aghat usab ang mga katawhan sa dakbayan ug mga turista sa pagbisita sa maong Otop hub sa siyudad diin makita ang mga nagkadaiyang produkto," matud ni San Juan.
"Yes it's locally made. We want to promote locally made products. Those who would want to see products of Cagayan de Oro, they can come to Gaston Park. In fact, this location is very strategic because it's very historical. This is really for visitors to come and see our products, to buy our products," dugang niya.
Nasayran nga ang Ginama nagpasabot nga ang hinimong butang o produkto gitagan-an gyud og dakong panahon.
Nasayran nga ang mga produkto sa Ginama mao ang bunga sa taas nga pag-amuma sa lokal nga kagamhanan sa siyudad inabagan sa DTI ug kauban ang lokal nga komunidad sa micro, small and medium entrepreneurs.