GIPASIGARBO ni Mayor Oscar Moreno atol sa city mayor's term report 2016-2019 niadtong Charter Day, Hunyo 15, ang pagbaton og pinakadaghang na rehistro nga mga establisimento sa siyudad.
Nidaghan ang ihap sa mga patigayon ang nagbarog ug anaa sa 26,352 ang narehistro sa kataposang bahin sa tuig 2018.
Sa pahayag ni Moreno, giingong kini ang labing taas nga natalang mga business registration ug nisaka usab ang kita sa mga merkado ug gidayeg niini si Konsehal Ian Mark Nacaya, kinsa maoy majority floor leader sa konseho.
"Business registration nato kalooy sa Diyos, highest ever, atong city economic enterprises 51 percent annual growth for the three years," matud ni Moreno.
Giingong dili lalim ang naagian ni Nacaya diha sa pagdumala sa mga kamerkadohan ilabi na nga kaniadto dakong purwesiyo alang sa mga gapangmerkado, sa mga pasahero ug uban pa.
Kini tungod na usab sa grabe nga kahuot sa merkado sa Cogon gumikan na usab kay daghan ang gapamaligya diha na sa kadalanan apan karon nibalik na sa pagsaka ang mga gapamaligya ug nakabenepisyo na niini ang tanan.