ADUNAY pahimangno karon sa publiko ang Regional Anti-Cybercrime Unit-Northern Mindanao kalabot niining giingong pagpakatap og video scandal diha sa social media.
Sa usa ka sulat pahimangno nga gipadala sa maong ahensya, ilang gi-warning ang publiko niadtong naghupot og sex video sa usa ka minor de edad nga tinun-an nga nagkatap karon sa social media.
"The possession, circulation, distribution and viewing of the video, it's screen captures, still pictures including memes and GIF's (graphic interchange format), and it's variations in any other forms in the internet, primarily through Facebook, websites and other social media network are violation of Republic Act 9775 or Anti-child pornography act of 2002," saysay sa maong pahimangno.
Kasupakan sab kung ang usa ka individual mpublisar, motransmit, mobaligya ug mo broadcast, advertise, mo promote, import ug export niini.
Sulat pamahayag kini sa ahensya human giingong adunay usa ka reklamo nga nadawat kabahin sa usa ka video scandal sa minor de edad nga giingong senior high school nga gipakatap karon panahona.
Ang nagpakalat niini padayon pang giimbestigahan.