SECTIONS
Wednesday, July 17, 2019
SUPERBALITA CAGAYAN DE ORO

MisOr Sports Center dunay bag-ong sistema nga gipatuman

GIPAHIBALO ni Board Member Prexy Elipe nga siguradong balik siya pagka general manager sa Misamis Oriental Integrated Sports Center hilabina karon nga kutob na lamang siya sa bulan sa Hunyo sa pagserbisyo isip board member sa lalawigan.

Kini ang iyang gibutyag sa iyang programa nga Ang Baruganan matag Sabado.

Matud niini nga samtang tapos na ang eleksyon ug dili na kaayo busy sa trabaho karon pa daan, aduna nay bag-ong sistema nga gipatuman sulod sa sports center nga angayan masayran ug dili ikatingala sa katawhan.

Una na niining gipatuman ang sistema sa parking ug pagplastar sa mga sakyanan, lakip ang pagbalhin sa cashier didto sa sulod tungod kay moabot sa kalsada ang linya sa sakyanan nga usahay daw maoy maghinungdan sa trapiko diha sa dalan sa Velez St ning siyudad.

Niadtong Hunyo 10 ngadto sab sa Hunyo 15 maoy dry run sa biometrics nga ipatuman sulod sa swimming pool kon asa ang mosulod diri nga dapit magpahigayon na og biometrics lakip ang ilang guardian.

"Naay kabag-ohan ug atong ipagklaro nga naa nay bag-o nga teknolohiya nga dili ta magpaulahi para effective ang panerbisyo," matud ni Elipe.

Gipasabot sab niini nga ang sports center walay pundo gikan sa panudlanan sa probinsya, siyudad ug bisan sa ahensya sa Department of Education, hinungdan dili mahimo nga ilibre ang ang mosulod niini tungod kay usa kini ka self liquidating, meaning ang kita niini mao lang ang imintinar sa mga pasilidad lakip na ang isweldo sa mga trabahante nga gabantay ug gamintinar niini.

Malaumon kining masabtan kini sa tanan nga mga mosulod sa sports center.

"Hopefully, masabtan kini sa tanan ug wala kini nato gihimo nga negosyo apan pagpanerbisyo. Gamay nga pagpasabot nga kini nga programa gituyo para mas maplastar ang facility," sulti ni Elipe.

Hagit sab sa sports center karon nga gaulan-ulan tungod kay gaubos ang kita sa oval ug uban outdoor sports activities.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph