SECTIONS
Saturday, July 20, 2019
SUPERBALITA CEBU

Negusyante gipatay

MAY kalambigitan sa negusyo ug kawat ang gisusi nga mga motibo sa pagpamusil nga gikamatay sa usa ka negusyante ug gikaangol sa iyang duha ka mga anak niadtong Dominggo sa gabii, Hunyo 16.

Ang tulo ka mga biktima giila nga sila si Yi Feng Guo Yang, 51, kinsa dead on arrival sa tambalanan, ug iyang mga anak nga nag-edad og 18 ug 16 anyos.

Ang duha anaa pa sa tambalanan.

“Ang Police station 6 (Canduman Police Station) ug Investigation Detective Management Branch, ang nagtinabangay para sa pag-imbestigar sa shooting. Sa karon pa lang, lainlain, naa ning inside job, second is personal grudge and third is atong gitan-aw ang possibilities ang robbery, as motibo sa pagpamusil ug pagpatay sa usa sa mga biktima. Kini sab posible sa inside job kay naa man ni silay business,” pagpasabot ni Police Major Mercy Villaro.

Sa inisyal nga pakisusi sa Canduman Police, gikan sa ilang tindahan nga Consolacion Marketing sa lungsod sa Consolacion ang mga biktima.

Padulong na sila mopauli sa ilang balay sa usa ka subdivision sa Barangay Cubacub.

Paghiabot sa may Purok 3, pasado alas 9 sa gabii, adunay nakasaksi nga upat ka mga lalakeng sakay sa duha ka motorsiklo namusil sa L300 van nga gisakyan sa mga biktima.

Ang amahan ang nagmaneho ug tupad kaniya diha sa passenger’s side ang duha ka mga anak.

Nagtuo ang kapulisan nga gisundan gikan sa ila pang tindahan ang mga biktima.

O gibantayan ang lihok ug rota sa mga biktima ug giatngan lang sila.

Nakig-alayon na ang MCPO sa Consolacion police ug mga establisemento nga adunay CCTV camera nga naagian sa mga biktima aron masubay kon gisundan o giatngan ba sila sa mga mamumuno.

Dugang ni Villaro nga posible ang amahan ra ang punterya ug naangin lang ang duha ka mga anak kay halos ang tanang mga igo sa armas punterya ngadto sa papa.

Gipasusi sa Cybercrime Group ang na-recover nga cellphone sa negusyante aron pagsuta kon aduna ba kini nadawat nga mga hulga sa kinabuhi.

Hangtod kagahapon sa udto, Hunyo 17, wa pay mga pamilya sa mga biktima ang ningduol sa kapulisan.

Sila nagpaabot pa hangtud nga mahimo na nga maestorya ang duha ka mga samdan nga anak.

Ang tulo, matod ni Villaro, ang Philippine passport holder, base sa kompirmasyon Chinese consul sa Sugbo.

Na-recover sa crime scene ang tulo ka empty shells sa 9mm pistol, duha ka empty shells sa .45 kalibre nga armas, usa ka buhing bala sa .45 kalibre nga armas, usa ka itom nga helmet nga gidudahan nga iya sa usa sa mga killer.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph