SUPERBALITA CEBU

Kontrabando gipangguba

CEBU. Mga sakop sa Mandaue City Jail ang nangunay sa pagguba sa mga kontrabando sama sa cellphones, sigarilyo ug uban pa nga nasakmit nila gikan sa ilang mga detainees niadtong Lunes, Hunyo 17. (Hulagway gikan sa video grab ni Fe Marie Dumaboc)

MGA kontrabando sama sa cellphones, sigarilyo ug mga lighter nga nasakmit gikan sa mga piniriso ug sa mga gisulay unta sa pagpalusot sa mga dalaw sa Mandaue City jail ang gipangguba, Lunes sa buntag, Hunyo 17.

Samtang gitug-an sa warden nga niminus na hinuon ilang nasakmit nga kontrabando ning tuiga, tungod usab sa mga gipatuman nga mas innovative nga pamaagi aron masakpan gyud ang mga motuyo sa paghimo.

Dul-an sa 60 ka mga nagkadaiya nga cellphones ug gatusan ka mga lighter ang gipang martilyo, gipang hulom usab sa usa ka baril sa tubig ang libuan ka mga stick sa sigarilyo ug lukuton nga dahon sa sigarilyo.

Gipanguluhan kini ni Mandaue City Jail warden, Jail Senior Supt. Jessie Calumpang, ang mga kontrabando nga nasakmit gikan sa mga piniriso ug sa mga suway unta nga gipalusot sa mga dalaw sukad pa sa Enero ning tuiga.

Gitug-an ni Calumpang nga ang uban usab ang boluntaryo nga gi-turnover sa mga piniriso, human nga niadto pa lang Marso ning tuiga nagamit na ang signal jammer nga gihatag sa Police Regional Office (PRO-7).

Ang uban usab nahibaw-an nila sayo ning tuiga nga adunay cellphones ang usa ka piniriso, human nga aduna nipahibalo kanila nga concerned citizen. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph