NAKAKITA na mo sa Aladdin?
Remake ni siya sa 1992 animated Disney film diin si anhing Robin Williams pa ang nida sa tingog ni Genie.
Abi nakog dili nindot ang live action version karon sa Aladdin kay bati man gud ang review sa uban.
Pero nindot man diay. Lingaw kay comedy unya musical ug daghang kulbahinam nga mga action scene.
Cute sad ang mga bida plus duna nay love interest si Genie (Will Smith). Haha.. Okay ra jud!
Ang Aladdin gidala sa bagitong Canadian actor nga si Mena Massoud, 27, samtang ang English actress ug singer nga si Naomi Grace Scott ang Princess Jasmine.
Ang 26-anyos nga si Naomi Grace Scott ang nagka-in demand nga aktres karon sa Hollywood.
Nigawas na siya sa pelikulang Power Rangers niadtong 2017 isip si Kimberly ug usa siya sa mga bida sa upcoming sequel sa Charlie’s Angels.
Sa tinuod nga kinabuhi ang gwapang aktres minyo na. Nakasal siya sa fooballer nga si Jordan Spence niadtong June 2014 human sa upat katuig nilang panag-uyab. Sa akong tan-aw mao ni siyay usa sa mga mohimog dakong pangan sa Hollywood sa 2020.
Nindot ang Aladdin uy. Pataka lang gyud ning uban og review.
Napandol gyud
Akong gitan-aw og balik-balik ang video ni Eddie Garcia kay duna may mga dili kumbinsido kon tinuod bang napandol ang 90-anyos nga aktor.
Sa video man gud ang nakita ra nga natumban ni Garcia ang cable wire pero wa makita kon nasangit ba gyud ang iyang tiil.
Pero kon giatake siya kasingkasing molingkod ra unta to o matumba og diretso. Pero nganong maora man siyag niuntol ug nisawom sa sawog?
Mismong ang mga doktor na ang niingon nga wa giatake sa kasingkasing si Garcia. Di pa ba na igo?
Super ka!
Usa ka kanhi artista sa radyo ug entablado nga nahaw-as sa kalisud tungod sa milagro ug pagkugi sa kinabuhi ang atong na-interbyu karong bag-o.
Talent usab ni siya niadto ni anhing Marcos Navarro Sacol. Kinsa siya? Inyo ning mahibaw-an sa Sssuper Ka! karong Huwebes na na sa Superbalita Laysho!