TUNGATUNGA sa sunodsunod nga kasaulogan sa Toronto Raptors sa pagkahimo nilang kampiyon sa National Basketball Association (NBA) sa labing unang higayon, ang mga kadagkuan sa team nagsugod na og pagpangandam alang sa umaabot.
Nagkanayon si Raptors coach Nick Nurse nga gikan sa pagkahimong kampiyon sa Raptors, kaduha na sila naghugpong ni general manager Bobby Webster aron han-ayon daan ang ugma damlag sa ilang puwersa.
“Bobby and I have already had two meetings about it since the championship,” asoy ni Nurse.
“The reality is that it’s right upon us, and we get to work. I’ve got several meetings today with some players. We don’t have any choice but to get to work on it. My thought, always, is stay hungry. We’ve got to get our guys that we want back.”
Ang labing importante karon alang sa Raptors mao ang pagkumbensir ni Kawhi Leonard nga magpabilin sa ilang balwarte.
Si Leonard, kinsa maoy nangulo aron makuha sa Raptors ang labing una niining NBA title gikan sa ilang pagsulod sa liga niadtong 1995, gituohang molugnot sa katapusang tuig sa iyang kontrata aron mahimong free agent.
“We definitely want him back,” matod ni Raptors forward Pascal Siakam kabahin kang Leonard.
Nagkanayon ang pambatong sentro sa Raptors nga si Marc Gasol nga ang opensa ug depensa ni Leonard mao ang labing dakong rason nga naangkon nila ang titulo.
“I don’t think there’s any other player of his caliber right now in the NBA. He’s on a pedestal by himself,” matod ni Gasol.
Gipasabot ni Nurse nga bisan siya, wala’y bisan gamay’ng idea kon unsa ang plano ni Leonard.
“I don’t really know,” matod ni Nurse. “I know’s he’s got to make a decision here really soon, couple of weeks. I think he had a good season and people like him here, and we can give him a good deal.”
Hinuon gitataw ni Nurse nga bisan unsa pa’y desisyon ni Leonard, ilaha kining suportahan. (ESL)