SUPERBALITA CEBU

Dili moabot og taas nga round?

KOMBINSIDO ang pangulo sa MP Promotions nga si Sean Gibbons nga ang mga sayong rounds maoy modeterminar kon molungtad ba og dili og hataas nga mga rounds ang World Boxing Association (WBA) Unification title fight tali ni Manny Pacquiao ug Keith Thurman nga ipahigayon karong Hulyo 20 didto sa MGM Grand Garden Arena sa Las Vegas.

Matod ni Gibbons nga ang ka athleticism ni Thurman maoy nakaayo kaniya ug ang kusog niini nga bisan sa usa lang ka kumo maka-knockout na siya. Laing naghatag og bintaha mao ang iyang pagka marunong moaway ug makamao nga molihoklihok ibabaw sa ring.

Apan batok ni Pacquiao, si Gibbons mipadayag nga si Thurman wala makig-away og ordinaryo lang nga 40-anyos nga fighter.

Dili lang edad maoy isyu niini kon dili ang kaabtik sa duha. Kon si Thurman usa ka athletic fighter, mao usab kini ang fighting senator kinsa mao usab ang eigh-division champion.

Dugang ni Gibbons nga dili makakita og sparring partner si Thurman nga adunay susama og estelo ni Pacquiao. Kini tungod kay talagsaon ang abilidad niini.

Gikataw-an lang ni Gibbons ang pamahayag ni Bob Arum, ang chief executive officer sa Top Rank nga nag-warning kang Pacquiao nga sa edad nga 40 anyos, namilegro na ang utok niini kon magpadayon kini og away.

Gikatingala ni Gibbons kon nganong nakasulti si Arum niini ug wa siya masayod kon nahimo na ba diay kining usa ka doctor. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph