SECTIONS
Thursday, July 18, 2019
SUPERBALITA DAVAO

Dela Rosa: Wa kadawat pundo gikan sa Kapa

DAVAO DEL SUR -- Gitubag ni Senator-elect Ronald dela Rosa ang isyu nga gitabangan siya sa Kapa pinaagi sa paghatag og badyet atol sa kampanya niadtong eleksiyon.

"Nakatabang sila akoa in the sense nga gikampanya daw ko ni Pastor (Joel Apolinario), pero kanang ingon nila nga gihatagan ko og campaign fund, kalooy sa Diyos wa koy nadawat," asoy ni Dela Rosa sa eksklusibong pakighinabi.

Si Dela Rosa mao ang guest speaker atol sa ika-52 nga founding anniversary sa lungsod sa Magsaysay, Davao del Sur kagahapong adlawa, Lunes, Hunyo 17.

Sa miaging semana, ni Kapa spokesperson Danny Mangahas nagsulti nga mangayo sila og tabang sa tulo ka mga senador nga ilang gi-endorso niadtong piliay.

Usa si Dela Rosa nga gihisgutan ni Mangahas apil nila Senator-elect Christopher "Bong" Go ug Imee Marcos, nga ilang gisuportahan sa eleksiyon.

"Og moingon sila namakak ko, nganong mamakak man ko kahibalo man na si Pastor, buhi pa man na kahibalo jud na siya kung gitagaan ko o wala," pung pa niya.

Si Dela Rosa nagklaro nga angayang tumanon ang mando ni Presidente Rodrigo Duterte.

"That is an executive decision coming from the top executive of this country, so unta everything will end well," niya pa.

Samtang gikanayon ni Dela Rosa nga ang bugtong matabang niya sa mga miyembro sa Kapa (Kabus Padatoon) Community Ministry International Inc. mao ang panawagan kang Pastor Apolinario nga iuli na lang ang kuwarta nga gihatag sa mga miyembro niini.

Ang Kapa nagatanyag og 30 porsiyentong tubo o gitawag nga "blessings" sa mga donasyon sa ministry niini.

"That is their hard-earned money so it should be refunded," ni Dela Rosa.

Apan alang sa ubang miyembro, nabalaka na sila sa mga pasalig sa Kapa.

Kahibaloan nga niadtong Hunyo 12, ilang gipadayag nga si Duterte mihatag og pabor sa Kapa, apan sa pagpamulong sa Presidente sa Gensan, giklaro niini nga si Apolinario nakahimo og large-scale estafa mao nga angayang manubag sa balaod. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph