SECTIONS
Wednesday, July 24, 2019
SUPERBALITA DAVAO

Dalagita gisulayan og lugos, giatsa sa ama-ama

DAVAO. Gipatay nga Grade 11 nga dalagita human gisulayan og lugos sa ama-ama kagahapon sa buntag, Hunyo 17, 2019. (Gary E. Fuerzas)

GIATSA ug gihapsan og sundang sa ama-ama o stepfather ang 17-anyos nga dalaga human gisulayan og lugos alas 5:10 sa buntag kagahapon, Lunes, Hunyo 17.

Nahitabo ang insidente sa Barangay Upper Glad 1, Midsayap, North Cotabato.

Ang biktima giila nga si Jeanny Mae Rollan, Grade 11 sa Saint Jude College, samtang ang suspek mao si Jesus Socito.

Subay sa taho sa kapulisan sa Midsayap Municipal Police Station nga gisulayan og panamastamas sa suspek ang biktima apan nisukol kaniya.

Kini maoy hinungdan nga nikuha og sundang ang suspek ug gitigbas ang biktima.

Wala pa matagbaw ang suspek, giatsa pa ang ulo ug dagway sa biktima.

Patay on the spot ang dalagita human makaangkon og dakong samad sa ulo ug dagway.

Hinuon, dali sab nga nisurender ang suspek ngadto sa iyang mga silingan ug mga opisyal sa barangay nga maoy nag-endosar kaniya ngadto sa mga pulis Midsayap.

Tanggong na sa selda sa Midsayap Municipal Police Station ang suspek ug pasakaan og tukmang kaso ngadto sa korte.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph