SUPERBALITA CEBU

Kapa, Organico padayong gi-monitor

CEBU. Padayong nag-monitor ang CIDG Central Visayas sa Kapa ug Organico kon nibalik ba kini sa ilang operasyon taliwala sa cease and desist order nga giluwatan sa Securities and Exchange Commission. (Hulagway kuha ni Alan Tangcawan)

CRIMINAL Investigation and Detection Group (CIDG) Central Visayas padayon nga nag-monitor sa Kapa ug Organico Agribusiness Ventures Incorporated kon nibalik ba kini sa ilang operasyon taliwala sa cease and desist order nga giluwatan sa Securities and Exchange Commission (SEC).

Matod ni Police Lieutenant Colonel Hector Amancia, Deputy Chief sa CIDG Central Visayas, ang ilang buhatan hugot sa pagbantay kon mibalik ba sa ilang operation ang Kapa Community Ministry International ug Organico.

Wala na hinuon siya motug-an kon giunsa nila pagbantay niini, apan iyang gipahibawo nga aduna sila'y personnel nga gitahasan sa pag-monitor, ilabi na nga wala na sila mogamit sa ilang mga online transaction.

“Naa ta'y monitoring nga gi-conduct ana kay all investment scams or any corporation or entities engaging in pyramiding schemes or investment scams, subject for monitoring nato kay that is a directive sa presidente,” Matod ni Amancia.

Kon mabantayan nga mibalik sa hilom ang ilang operation, i-report nila kini sa SEC aron mahatagan sa dinalian nga aksyon sama sa pag-isyu usab sa search warrant nga giluwatan sa korte.

Usa sa mga miyembro sa Organico ang mitug-an sa Superbalita Cebu nga wala na mogamit sa social media ang ilang mga ahente tungod sa pagtuo nga gi-hack na sa mga awtoridad ang ilang mga account.

Gihimakak ni Amancia nga ilang gibantayan pinaagi sa pag-hack ang ilang Facebook accounts.

“Kanang mo-hack, dili na trabaho sa PNP (Philippine National Police), even NBI (National Bureau of Investigation) nga i-hack ang ilang account,” dugang ni Amancia.

Wala'y pagsupak ang kapulisan sa giingong pasalig sa Organico ug Kapa nga ipang-uli nalang ang kapital sa mi-invest kanila ug dili usab kini nila hilabtan sukwahi sa kahadlok nga pangdakpon sila niini pinaagi sa entrapment operation.

Matod ni Amancia nga katungod sa mga membro nga ilang kuhaon ang ilang kwarta sanglit ilaha kini apan wala kini magpasabot nga ma wagtang na ang kaso nga atubangon sa duha ka kompanya ngadto sa korte.

“kung ila nang ibalik ang kwarta sa mga investor nila well and good atleast matagaan og peace of mind ang mga investor nga ibalik nila ang kwarta pero on the part sa pnp even sa sec it doesn’t mean nga pagbalik anang kwarta they already absorbed sa ilang violations.” Matod ni Amancia.

Misaad ang Organico nga ilang ipang uli ang tibuok capital sa mga nakapalit og baktin apan giingong wala na kini tubo. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph