NAGKAGULIYANG ang victory parade sa 2019 NBA Champion Toronto Raptors, Lunes, June 17.
Suma pa nga tungod sa kaguliyang, duha ka tawo ang nasamdan human nagkagubot ang mga tawo kay nakadungog og buto sa armas.
Ang selebrasyon sa tim gitambungan ug giatangan sa halos 2 milyon ka tawo sa Canada.
Apil sab sa misud-ong si Canadian Prime Minister Justin Trudeau.
Apan sa report sa kapulisan, upat ka tawo ang napusilan atol sa parada, suma sa Toronto police.
Sigun sa Toronto Police Operations Center, tulo ka suspek ang naaresto sa pinusilay nga nahitabo sa intersection sa Bay and Albert streets sa Canada.
Tulo ka biktima nakasinati og injury apan suma pa di kini grabe pung sa pulis.
Duha sab ka armas ang narekober.