TUNGOD sa hulga sa iyang kinabuhi, giangkon ni pastor Joel Apolinario, founder sa Kapa Community Ministry International Inc., nga siya nagtagu-tago karon.
“Ako ngayoy nagtatago dahil sa banta sa aking buhay, salamat sa inyong pag-intindi,” ni Apolinario sa dos minutos niyang video message nga naka-post sa Kapa Facebook page.
Sa maong video, nanawagan sab ang pastor ngadto sa mga miyembro niini nga mosalmot sa synchronized rally nga ilang ikasa.
“Ako po’y taos-pusong nakikiusap sa inyo sa mga members ng Kapa, please I’m begging you to participate sa rally,” suma sa pastor nga wala pa sab hisguti kanus-a kini ipahigayon.
Suma pa nga ang synchronized prayer rally himuon sa mga lugar asa may buhatan ang Kapa.
Niya, mao kini ang ilang pamaagi aron tuktukon ang kasing-kasing sa gobyerno nga sila paminawon sa ilang yangungo.
Ni Apolinario, sukad sila gipasira sa gobyerno, daghan ang naapektuhan, partikular na ang mge miyembro nilang mibubo og salapi.
Dugang niya nga tungod naka-freeze ang ilang bank accounts wa na silay kakuhaan og pundo nga mao unta suma pay ipanghatag ngadto sa miyembro sa grupo.
“Wala tayong mapagkunan dahil na-freeze yung account natin. Sa ngayon po, wala tayong ibang solusyon na makita maliban sa paggawa ng prayer rally.”