MAGSANGKA na karong gabii sila si Filipino Aston Palicte ug Japanese Kazuto Ioka aron ilugan ang bakanteng World Boxing Organization (WBO) super flyweight title sa Makuhari Messes sa Chiba City, Japan.
Sa official weigh-in kagahapon, parehong yanong nakakuha sa weight limit ang duha ka mga boksidor. Si Palicte mitimbang og 114.9 lbs. Samtang si Ioka napatik sa 114.6 lbs.
Ning awaya, ilugan nila ni Palicte ug Ioka ang titulo nga gibakante ni ALA fighter Donnie “Ahas” Nietes, kinsa maoy longest Filipino boxing world champion. Si Palicte naggunit og 25-2-1, 21KOs nga rekord samtang si Ioka adunay 23-2-0, 13KOs nga baraha. (ESL)