ORMOC City, Leyte - Lima ka fishing vessels ang giguyod sa sa Philippine Coast Guard - Eastern Visayas human nalambigit sa ilegal nga panagat.
Nasayran nga ang Coast Guard nihimo og joint maritime patrol uban sa Coast Guard Western Visayas niadtong Sabado, Hunyo 15.
Atol sa ilang pagpatrolya nasigpatan ang lima ka fishing vessel sa kadagatan sakop sa Albuera Leyte.
Dugang sa Coast Guard, nakalapas sa Fisheries Code ang mga crew sa lima ka lantsa gumikan sa pagpanagat niini sud sa municipal waters sa Albuera.
“Ang ano lang naman ay nag fishing sila sa municipal waters, which is commercial fishing vessel di siya pwede sa area. Dapat mas malalim pa” matod ni Lieutenant Junior Grade Habdullah.
Base sa kasayuran nga nakuha sa Coast Guard, ang maong mga fishing vessel nailhan nga Nilda C-2; F/B John Diaz; F/B Tangigi R1; Western Star ug F/B GM.
Matod sa Bureau of Fishiries and Aquatic Resources, ang mga mananagat nakalapas sa Section 86 (Unauthorized Fishing); Section 95 (Use of Active Gear in Municipal Waters, Bays and other Fishery Management Areas) ug Section 121 (Use of Unlicensed Gear) sa Philippine Fisheries Code.
Narekober sa BFAR ang upat ka ring nets nga nagkantidad og P4 million samtang ang 120 ka kilong isda nga kuha sa mananagat nga nagkantidad og P9,000 ang gi-donate sa Ormoc District Hospital. (JKDP)