10-wheeler midaro sa mga balay; 1 patay

CATBALOGAN City, Samar - Usa ang patay ug usa ang naangol sa dihang usa ka 10-wheeler truck ang nidaro sa pipila ka balay sa Barangay Maulong, Catbalogan City, niadtong Hunyo 13.

Ang maong sakyanan nagdala sa plate number ABN - 8577 nga naka rehistro sa EJQ Corporation nga gipanag-iya ni Edmund Antolijao nga taga - Maguikay, Mandaue City, Cebu ug gimaneho ni Romolo Adlaon, 54, resident taga - Mandaue City ra sab.

Base sa inisyal nga imbestigasyon nga nanukad sa Tacloban City padung sa Calbayog City ang maong trak.

Pag-abot sa ludsungon ug kurbadahon nga bahin sa Catbalogan Diversion Road, kalit nga mipalyar ang engine brake niini hinungdan nga wa na makontrolar gisamutan pa nga bug-at ang karga sa naasoyng sakyanan.

Resulta nga midaro kini ngadto sa duha ka balay lakip na ang upat ka poste.

Duha ka residente ang gikataho nga naangol nga nailhan nga sila si Carmelita Escuerdo ug Yan Yan Igdalino, 16.

Dali gidala sa tambalanan si Igdalino samtang nakabsan sa iyang kinabuhi si Escuerdo human na trap. Naguba usab ang atubangan ug kilid nga bahin sa trak nga dunay mga karga nga grocery items.

Gikustodiya na ngadto sa kapulisan si Adlaon samtang nagpadayon ang imbestigasyon. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph