SECTIONS
Monday, August 26, 2019
SUPERBALITA CEBU

Hitabo sa Recto Bank seryuso: US ambassador

KRIMEN: Si Philippine Foreign Affairs Secretary Teodoro Locsin Jr. mihulagway sa pagbiya sa mga mananagat nga Insik sa mga Pinoy nga mananagat sa Reed Bank nga usa kini ka krimen sa kadagatan. Si Locsin namulong sa United Nations. (gikan sa Twitter ni Locsin)

SI UNITED States Ambassador Sung Kim niingon nga samtang ang hitabo sa Recto Bank sa miaging semana mahimon aksidente, kini seryuso nga sitwasyon ug gikinahanglan nga dunay manubag.

“I know that the Philippine officials have called (on) the Chinese officials to fully investigate. I think it is very important to find out how it exactly happened,” sulti ni Kim atol roundtable discussion uban sa media sa Davao City sa Martes.

“We need to take measures to prevent accidents like that from happening again,” matod ni Kim.

Siya niingon nga ang insidente, nga gipakagamay lang ni Presidente Rodrigo Duterte, nagsilbeng pahinumdom sa panginahanglan sa Code of Conduct sa South China Sea.

“I think this is a reminder of the importance of coming up with a meaningful code of conduct. The US continues to support that,” matod ni Kim.

Mga sakop sa Association of Southeast Asian Nations (Asean) ug China padayong nagsabotsabot sa pag-umol og legal nga Code of Conduct sa gikasungian nga dagat.

Gawas sa Pilipinas ug China, ang Vietnam nangangkon usab sa mao nga teritoryo.

Niadtong Hunyo 9, 2019, ang Filipino fishing boat F/B Gemver nalunod human maigo sa barko sa China samtang nag-angkorahe sa Recto Bank sa West Philippine Sea, nga tipik sa South China Sea nga pulos giangkon sa China ug Pilipinas.

Human sa panagbangga, ang mga Insik nanibat biniyaan ang 22 ka mga Pinoy nga mananagat nga nangatagak sa dagat.

Ang mga Pinoy giluwas sa mga mananagat nga Vietnamese sa laing barkong panagatan mga usa ka oras ang nakalabay.

United Nations

Ang hitabo gidala ni Department of Foreign Affairs (DFA) Secretary Teodoro Locsin, Jr. ngadto sa United Nations (UN) body, kay nakapabalaka kini.

Sa iyang pagpamulong atol sa 29th Meeting of States Parties to the UN Convention on the Law of the Sea (UNCLOS) sa Hunyo 17, si Locsin niingon nga ang “rescue of persons in distress is a universally recognized obligation of people and governments.”

Matod niya nga ang pag-abandonar sa mga tawo nga nanginahanglan og tabang usa ka krimen.

“In the civil law and, maybe even in common law, it is a felony to abandon people in distress; especially when we cause that distress; and more so when it is no bother at all to save them at no risk to oneself. While no sanction is available in international law, it should be a cause of some concern,” siya nagkanayon kalabot sa hitabo sa Recto Bank.

Gitumbok ni Locsin ang tulo ka mga international treaty nga nag-obligar sa matag miyembro nga nasod sa UN ug sa International Maritime Organization (IMO) to “pay, not just lip service to these conventions, but to observe them in real life-and-death situations.” (SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph