SECTIONS
Saturday, August 24, 2019
SUPERBALITA CEBU

Ex-con nga carnapper ‘gi-salvage’

GIINGONG ex-convict nga notadong tulisan ug karnaper sa Siyudad sa Sugbo nga bag-o lang nakagawas sa bilanggoan gipatay ug gilabay sa sitio Latawan, Barangay Sinsin, bukirang dapit sa Siyudad sa Sugbo.

Ang biktima giila nga si Alexander Lumapak, 24, lumad nga taga Kinabranan Zone II, Barangay Poblacion Allen, Northern Samar.

Matod ni Police Major Regino Maramag, hepe sa Pardo police station, nakadawat sila og report niadtong Dominggo sa hapon, Hunyo 16, nga adunay tawo nga patay sa dapit.

Naabtan sa mga pulis si Lumapak nga nag-ubo nga patay na.

Aduna siyay daghang mga samad pinusilan sa lawas, gigapos ang mga kamot sa packaging tape ug giputos ang ulo niini sa t-shirt nga gilikusan sa packaging tape.

Gibutangan pag paskin ang dughan niini nga nagkanayon nga “ex-convict ako. Motornapper, pusher, user wag tularan, may susunod pa.”

Sa imbestigasyon, nasayran nga itom nga pick up truck nga way plate number ang nakit-an nga posibling gisakyan ni Lumapak ug pipila ka gutlo ang milabay buto-buto sa armas ang ilang nabati.

Human sa pagpamusil, dali nga nibiya ang itom nga pick up sa dapit paingon sa Campo 7, Siyudad sa Talisay.

Nakuha sa crime scene ang lima ka empty shells sa kalibre .45 nga pistola ug 9mm diin matod ni Maramag nga posibling duha ka tawo ang mipusil kang Lumapak.

Nailhan si Lumapak tungod sa identification card nga nakuha sa kapulisan sulod sa iyang backpack.

Nagduda si Maramag nga giunay siya sa iyang mga kauban nga mga carnapper o kaha mga notadong tulisan dinhi sa Sugbo.

“Carnapper siya baka nagka onsehan sila sa mga kasama nya,” matod ni Police Major Regino Maramag.

Pakuhaan usab niya pamahayag ang mga residente sa barangay Sinsin nga nakakuha sa hulagway sa gisakyan nga itom nga pick up sa mga suspek. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph