HUMAN nga wala tungaha sa siyam ka mga Provincial Board members sa dihang nagpatawag og meeting niadtong Hunyo 10, karong adlawa si outgoing governor ug vice governor-elect Hilario Davide III mao na usab ang dili makatambong sa ikatakda unta nga panagtigom karong buntag, Hunyo 19, 2019.
Kini tungod kay may official busines si Davide nga tambungan didto sa lungsod sa Pinamungahan.
Pormal nga ablihan na karong adlawa ang labing una nga rehabilitation center sa probinsiya sa Sugbo nga proyekto usab sa Kapitolyo ug sa usa ka telecommunications company.
Si Davide niadtong Hunyo 10, mipatawag og panagtigon niadtong bag-ong mga napili pagka PB members ug ingon man niadtong mga nasublian.
Apan gumikan sa kakulang sa ilang attendance human mipalta ang siyam ka mga sakop sa PB, wa kini mahinayon.
Subay niini, gipa-contact na ni Davide si PB secretary Pulchra Acevedo ang mga board members aron pagpahibalo nga isibog na usab ang ilang tigum sa sunod semana.
“Ako na’ng na-contact si Atty. (Pulchra) Acevedo, gipa-check naku ang mga schedule sa mga board members kung unsa’y avalaibility nila. Probably next week tingali kay apiki pud ko,” niingon si Davide.
Si Acevedo nitug-an nga sa Martes sunod semana, Hunyo 25 sa buntag, mao ang bag-ong schedule sa meeting.
Napahibalo na niya ang mga board members niini, pinaagi usab sa text.
“I already sent them SMS, text messages. I’m just doing the initial count of who will be attending,” padayag ni Acevedo.
Tinguha nga matuki sa tigum ang kausaban sa house rules sa PB.
Sa tanang mga board members nga sakop sa umaabot nga 15th SP, si Bokal Tata Corominas-Toribio pa lang ang nakaduso ug mga sugyot sa posibleng kausaban sa ilang house rules.
Gihatagan unta ug kutob niadtong Lunes, Hunyo 17, ang mga board members pagsumitir sa ilang proposal sa mga kauban sa house rules.
Matod ni Acevedo, unod sa sugyot ni Toribio ang pag-redefine sa matag komitiba. (AZLG)