SUPERBALITA CAGAYAN DE ORO

Mikatap nga sex video giimbestigahan

NAGPAHIGAYON og kaugalingong imbestigasiyon ang tinugyanan sa Regulatory and Complaint Board (RCB) sa nikatap nga sex video diin ang biktima mga menor de edad human nga nikatag kini diha sa social media.

Giingong pulos mga menor de edad ug estudyante sa usa ka dakong tunghaan sa siyudad sa Cagayan de Oro ang anaa sa maong video.

Sa pakighinabi sa Superbalita Cagayan de Oro kang Antonio Resma Jr., Inspectorate Team leader sa RCB, gibutyag niini nga nagpahigayon usab sila og kaugalingong imbestigasiyon aron usab masuta kung asa kini nga establisimento nahitabo aron nga maaksiyonan.

"Yes nag-conduct gihapon ta og atong own investigation kay ato lage kung asa kini nahitabo ug kung naay posibleng atubangon ang operator kay confirm man gyud to nga minors, naka uniform pa gyud," matud ni Resma.

Nakigkoordinar na usab kini sa tinugyanan sa National Bureau of Investigation (NBI) sa mga gakadawatang imporamsiyon ilabi na nga dunay nadawatang posibleng ang maong video mga duha o tulo na ka tuig ug ayha pa kini nisirkular sa social media.

Nanawagan usab kini sa biktima ug pamilya nga modangop sa ilang buhatan aron usab matabangan ug mahatagan usab og aksiyon ang nahisgutang patigayon diin nahitabo ang maong pakighilawas sa menor de edad.

"Kung makaduol sa atoa ang biktima or pamilya para matagaan ta og mga impormasiyon kung asa gyud to dapit para kung kailangan man gyud nato ma sampolan ang atong establishments atong masampolan pagsirado," dugang ni Resma.

Giingong kaniadto, duna na usab silay napasira nga movie house tungod na usab kay nasapon mismo sa RCB nga dunay naghimo sa dili angayang buhaton sulod sa mismong patigayon.

Nanawagan usab kini sa mga establisimento nga kinahanglan nga motabang usab sa pagpatuman niini tungod kay alang kini sa mga kabataan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph