SECTIONS
Wednesday, July 24, 2019
SUPERBALITA CAGAYAN DE ORO

Balay sa mga bakwit gi-demolish

GIPANGGUBA na sa mga personahe sa Kapitolyo Probinsyal ang tanan nga bag-ong mga balay nga gitukod lakip na ang ilang mga karaang tulda sa mga bakwit gikan sa Sitio Mikamansi, Barangay Banglay, lungsod sa Lagonglong, Misamis Oriental.

Ang demolition team gilangkoban sa Provincial Engineering Office, Provincial Clean and Green, ug Provincial General Services Office lakip ang Provincial Risk Reduction Management Department.

Sa wala pa gisugdan ang demolisyon mga alas 7:00 sa buntag Martes, Hunyo 18, gibasahan og sulat sa personahe sa Provincial Social Welfare and Development Office ang mga bakwit.

Gisusi sa mga kawani sa Office of the Building Official (OBO) gikan sa siyudad sa Cagayan de Oro ug ilang gikumpirmar nga ilegal ang inyong pagtukod sa estraktura sa parke.

Mipagawas og kamandoan ang buhatan sa OBO ug gitugyanan si barangay kapitan Rey Dante sa pag-implementar sa balaod subay sa Article 694 sa Civil Code, Presidential Decree 1096.l ug City Ordinance 9528-2005 pagmando sa pag guba sa maong mga estraktura.

Nakurat mismo si Provincial Legal Officer Neil Pacana niadtong Lunes atol sa pagpakayab sa nasudnong bandila dihang nakita ang mga estruktura sa mga gipangtukod nga balay, hinungdan gikonpronta niini ang bakwit nga wala kini sa kasabutan.

Tungod niini, iya kining gipasusi sa buhatan sa OBO ug nakitaang adunay kasupakan ang bakwit niini.

Si Lorna Guibone, head sa Clean and Green sa Capitol Park, niingon nga tungod lamang sa ka maloloy-on ug pagrespeto ni Misamis Oriental Governor Bambi Emano sa mga kabus nga lumad hinungdan nga niabot gyod kini sila og usa ka tuig dinhi sa maong dapit nga suportado ang ilang suplay sa pagkaon ug pipila ka panginahanglanon.

Taliwala pa man nga sila gibatikos tungod sa kagubot ug kabaho sa palibot ug giingon niinig walay kooperasyon nga malimpyo ang palibot.

"Imbes unta ang Capitol Park usa ka recreational area walay gasuroy," matud niini.

Atol sa demolisyon mamatikdan nga kalmado lamang ang mga bakwit ug dunay pipila kanila nagsige og hilak.

"Kinsa raman mi nga kabus nga mosukol kanila mao nga dili mi mogamit sa among kabangis, apan bisan sige mi nila papahawaon diri, magtukod gyod gihapon mi og mapuy-an namo diri sa Kapitolyo hangtod si Governor Bambi dili motuman sa among hangyo nga papahawaon ang mga sundalo sa among ancestral domain," matud ni Jhunrey Hilogon, ang nagsilbing tigpamaba sa lumad nga Tagbalunon.

Sa pagsulat ning balita, gihurot og guba tanan nilang puloy-anan ug gitakdang dalahon balik sa lungsod sa Lagonglong kinsa gapaabot sab sa ilang dapit nga mahibalik ang mga bakwit.

Una na nga gibarogan ni Emano nga dili niya mapapahawa ang mga sundalo tungod kay wala siya kapasidad niini gawas pa nga ubos sa Martial Law ang pulo sa Mindanao.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph