SECTIONS
Tuesday, July 23, 2019
SUPERBALITA CEBU

GrabFood niklaro dili cancellation kundi 'no show'

CEBU. Human mi-viral sa social media ang simpatiya sa netizens sa mga biker sa usa ka food delivery service, giklaro sa GrabFood Philippines nga dili cancellation ang insidente nga masinati sa mga biker apan "no show" kini. (SunStar File)

HUMAN mi-viral sa social media ang simpatiya sa netizens sa mga biker sa usa ka food delivery service, giklaro sa GrabFood Philippines nga dili cancellation ang insidente nga masinati sa mga biker apan "no show" kini.

Ang GrabFood usa ka service sa Grab application diin mo-order ka og pagkaon sa ilahang partner merchants o kan-anan ug i-deliver kini sa imoha pinaagi sa usa ka biker.

Si Krhizzy Pasigan, tigpamaba sa Grab Philippines nibutyag sa Superbalita Cebu nga gusto nilang klarohon sa netizens nga aduna'y lima ka proseso bag-o maabot ang order nga pagkaon sa kustomer.

Una nga proseso mao kining pagpili sa kustomer og pagkaon ug pagbook niini diin ma-assignan kini og driver.

Ikaduha mao ang paggikan na sa driver paingon sa restaurant o kan-anan, ikatulo mao ang pag-order sa driver sa restaurant.

Ikaupat mao ang pagkolekto sa driver sa pagkaon ug uwahi mao ang pagpadulong na sa driver sa kustomer aron ihatod ang gi-order nga pagkaon.

Matod ni Pasigan nga ang cancellation, mahimo ra sa customer kon paingon pa ang driver sa restaurant.

Sagad sa ni-viral karon mao ang "no show" o kining di na makontak nga kustomer.

"The instances highlighted on social media posts are mostly due to customer NO-SHOWS, which constitute to only 0.01% of our total transactions," tipik sa opisyal nga pamahayag sa Grab.

Gibutyag usab ni Pasigan nga aduna'y reimbursement policy ang Grab alang sa mga driver nga makasinati niini.

Ang ila lang buhaton mao ang pag-adto sa buhatan sa Grab aron maulian sila sa nabayran niini sa restaurant.

"Grab continues to tighten its policies to curb this abusive behavior, and customers who exhibit abuse of our no-show policies will soon face account penalties, including possible account suspension."

Gawas niining pag-ban o pag-block sa mga kustomer nga abusado sa maong service, gitun-an pa sa Grab kon unsa pa nga silot ilang mapahamtangan niini.

Uwahing gibutyag sa GrabFood nga kapin sa 2,000 na ang ilang partner merchants sa Sugbo apan nagdumili sila pagbutyag sa gidaghanon sa bikers.

Nag-una gihapon nga order kining milktea, gisundan sa manok ug burger.

Malipayon hinuon ang Grab niining positibo nga reaksyon sa publiko kabahin sa mga kasinatian sa GrabFood bikers. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph