Editoryal: Underpass wa kasulbad sa problema sa traffic?

(Editoryal Cartoon by Ariel Itumay)
(Editoryal Cartoon by Ariel Itumay)

IKALIMA na ka adlaw karon gikan sa pag-abli sa P700 million nga underpass sa Mambaling ug naobserbahan nga nakakunhod kini sa kabug-at sa dagan sa trapiko sa maong dapit.

Kana kon si Francisco Ouano, ang hepe sa Cebu City Transportation Office (CCTO), ang pangutan-on.

Pipila usab ka mga PUJ drivers ang misuporta sa obserbasyon ni Ouano, ilabi na dapit sa F. Llamas Street, habig sa Punta Princesa kay makaderitso ra man sila og liko sa rota paingon sa ilang destinasyon.

Pero ambot ug nganong dili man tugtan ni Ouano nga ibalik na sa orihinal nga rota ang mga bus ug mini bus kon tinud-anay man gani nga nakahamugaway sa dagdagan sa trapiko ang underpass.

Unsaon man nato pagkahibaw kon ang underpass ba gyud diay ang nakahatag og solusyon sa problema kon dili niya pasudlon og balik ang tanang mga sakyanan depasaheroan paingon didto sa habagatang bahin, sama sa kaniadto?

Buot ba ipasabot nga ang pag-divert ra diay sa mga bus ug mini bus ngadto sa SRP Road maoy solution sa trapik sa Mambaling ug dili ang underpass?

Kon mao na, mas maayo pay wala na lang ta mag-usik-usik og kuwarta sa gobiyerno sa pagtukod niini.

Si Ouano mibutyag nga may 600 ka mga bus ang nagbiyahian paingon sa habagatang bahin sa Sugbo nga posilbing makatampo sa trapik sa kalsada sa Mambaling kon tugotan kini nga makasulod.

Pero diin man kuha si Ouano sa maong figure nga mismo si Julie Flores, presidente sa mga bus operators, mibutyag man nga 300 ra kapin ang nagbiyahian.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph