SUPERBALITA CEBU

Ormoc City Piña Festival sa Dominggo

Queen Pineapple

MAGHISGOT na gani og Ormoc City, numero uno nga mo sud sa hunahuna sa tawo ang tam-is, juicy ug lamian nga pinya.

Sikat man gud ang dakbayan sa Ormoc pag-abot sa pinya hilabi na ang espesyal nga Queen Pineapple.

Gani duna gyod halapad kaayo nga pineapple plantation ibabaw sa Barangay Donghol.

Kung sa Lucban, Quezon dunay Pahiyas Festival nga sagad mga utanon ang dekorasyon.

Di paulahi ang Ormoc City. Matag buwan sa Hunyo, ipahigayon sa Ormoc ang Piña Festival nga salmotan sa mga talentadong studyante sa dakbayan.

Sama sa ubang festivals, duna sab mga festival queen nga magdala sa matag contingent diin may kalabutan sa pinya ang ilang costumes.

Agi kini og halad sa mga taga Ormoc sa kapistahan ni San Pedro ug San Pablo matag Hunyo 29.

Pero, ang 3rd Piña Festival ipahigayon karong Hunyo 23 diin sugdan sa alas 3 sa hapon ang street dance competition.

Motuyok ang tanan nga contingent gikan sa City Hall paingon na sa city plaza kay pagka alas 6 sa gabii isunod ang ritual dance showdown.

Kada eskina nga again sa mga street dancing contingent gipamutang ang mga dakong speakers ug ang judging area.

Ddunay uban nga tungod sa kahuot gumikan sa nagdasok nga mga tawo, adto nalang mag huwat sa city plaza.

Butangan sa kapulisan og force multipliers ug kordon ang mga kilid sa karsada aron makontrolar ang pagsugwak sa mga tawo.

Niadtong 2017, sa Ormoc City Sports Complex o mas naila nga public himuon ang ritual dance showdown.

Si Ormoc City Mayor Richard Gomez uban sa Ormoc Festival and Cultural Foundation nakadesisyon nga sa plaza himuon ang ritual dance showdown.

Matod ni Mayor Gomez, gituyo ni nila kay tungod sa kadaghang tawo nga mosaksi.

Gilauman ni Mayor Gomez ang usa ka milyon nga tawo nga modagsa sa Ormoc para mosaksi sa mga aktibidad.

Ang mga mosunod mao ang premyo sa palarang modaug;

Sa ritual dance showdown, ang grand prize kay P500,000; 2nd place kay P400,000; 3rd prize kay P300,000.

Sa special awards, ang best in street dance dunay tulo nga makadaog diin ang 1st place kay P50,000; 2nd place kay P40,000 ug 3rd place kay P30,000.

Best Costume kay P50,000; Best Choreographer kay P40,000; Festival Queen P35,000; 1st runner up P15,000; 2nd runner up P10,000; best festival costume P10,000 ug consolation prize nga P3,500. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph