SECTIONS
Thursday, July 18, 2019
SUPERBALITA CEBU

Laing 2 ka kanhi kapuyo ni Llenes apil sa reward

CEBU. Si Renato Llenes, 43, suspek sa pagpatay kang Christine Lee Silawan. (Alan Tangcawan/SunStar File)

GAWAS sa iyang kapuyo, makadawat usab og bahin sa reward money nga P1 ka milyon gikan sa kagamhanan sa dakbayan sa Lapu-Lapu ang duha ka mga kanhi kapuyo ni Renato Llenes.

Kini human lakip sila sa 23 ka mga tawo nga makadawat og bahin sa reward miney sa kagamhanan sa dakbayan.

Matod sa direktor sa Lapu-Lapu City Police Office nga si Police Colonel Limuel Obon nga ang mga kanhi kapuyo ni Llenes nakahatag gyud og ga vital information ngadto kanila sa ilang pagpangita sa akusado sa pagpatay sa dalagitang si Christine Lee Silawan.

Si Llenes giingong nagtagotago ug misibat sa iyang gipuy-an sa Brgy Pajac human mabuhat ang krimen sa dalagitang si Christine Lee ug ang mga kanhi kapuyo niini maoy nagtaho sa kapulisan sa posible niyang nahimutangan hinungdan nga nasubay siya sa kapulisan hangtod nga nasikop.

Tungod niini angayan lang gayud sila nga mabahinan sama sa ubang anaa sa ilang lista sa makadawat sa reward money nga nakatampo sa ilang imbestigasyon matod ni Obon.

“Usually kung naay reward usa lang gyud na makadawat kato gyung pinaka very vital information pero sa amo lahi kay tungod sa month long namo nga kuan the information of one lead us to another hangtod nakaduol mi didto that is why we value their contribution for example naay niingon diri to na late lang mo 15 minutes so nakatabang nato siya kay nag lead naman sad namo asa siya possible” matod ni Obon.

Samtang gibutyag ni Obon nga gusto man unta siya nga aduna untay pormal nga turnover sa kwarta ngadto sa ilang mga impormante sa higayon nga madawat na nila kini gikan sa kagamganann sa dakbayan sa Lapu-Lapu apan dili gayud kini posible.

Matod ni Obon nga mihangyo ang ilang mga impormante nga pribado lang ang paghatag sa kwarta kung ugaling duna hinungdan nga posibleng ihatod na lang kini sa kapulisan ngadto sa ilang tagsa-tagsa ka mga panimay.

Giklaro ni Obon nga bonus na lang ang mga reward nga sama sa ilang madawat gikan sa kagamhanan apan wala usab kini nagpsabot nga nagsalig na lang usab sila niini.

“Bisan kung they were driven by their Catholic faith nga mohatag sila ug information mga ingon-ana pero mananatili pa rin ang family values nato di ba” pagpasabot ni Obon. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph