SECTIONS
Thursday, July 18, 2019
SUPERBALITA CEBU

BFAR mihatag og 50 pumpboats

MAS lig-on nga pumpboat na unya ang magamit sa moabot 100 ka mga mananagat sa upat ka mga barangay sa isla sa Olango dakbayan sa Lapu-Lapu.

Kini human mihatag ang Bureau of Fisheries and Aquatic Resources BFAR ug moabot 50 ka pumpboat nga fiber glass sa mga mananagat sa miaging Sabado, Hunyo 15.

Ang maong mga mananagat gikan sa Barangay Olango, Caubian, Pangan-an ug Caohagan.

Usa ka pumpboat sa matag duha ka benepisyaro ang gibasehan sa naaporan arin masigurong makapahimus ang tanan sa naasoyng matang sa pumpboat.

Ang naasoyng pagpanghatag sa BFAR subay sa programa sa nasundong kagamhanan sa pagtabang sa mga managat nga matunhay ang ilang panginabuhian.

Ang naasoyng pumpboats ug gidala sa isla sa Olango pinaagi sa pag-abag City Fisheries and Aquatic Resource Council CFARMC ug ingon man ni outgoing Congreswoman Aileen Radaza ug Mayor Paz Radaza sumala pa sa chairman sa CFARMC nga si Orlando Leyson.

Ang 100 ka mga benepisyaryo sa naasoyng mga pumpboat mao usab ang nagpanday niini pinaagi sa paggiya sa mga taga BFAR.

“Kining mga materyales gikan gyud ni sa Carmen unya atong na mobilized pinaagi sa effort sa atong mga city officials,” matod pa ni Leyson.

Gihangop ni outgoing Lapu-Lapu City Mayor ang gihimo sa BFAR hilabi na ang mga dapit diin sagad gikan ang mga benepisyaryo wala sad intawn ikasarang sa ilang adlaw-adlawg panginabuhi.

Ganigimandoan ang city social welfare office sa dakbayan sa pagsusi kun kinsa gayud ang mga pamilya nga dili makapabuhat ug pumpboat.

Gipahinumdoman usab sa mayor ang mga nakadawat sa pumpboat sa dili pag-apil sa ilegal nga panagat gumikan kay posible nga mabakwi ang mga pumpboat gikan kanila. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph