1400 ka wanted nadakpan atol sa election period

ORMOC City--Gipasigarbo sa Police Regional Office (PRO) 8 ang ilang mga accomplishment atol sa election period.

Ang election period gisugdan Enero 13 hangtod Hunyo 12, 2019.

Sulod ning maong mga petsa, ang kapulisan nakasakmit og daghang mga armas, hinagiban ug mga nasikop nga most wanted.

Base sa datos sa PRO8, nakadakop ang kapulisan og 124 ka most wanted persons.

Lakip nga nadakop ang laing 1,413 wanted persons.

Samtang sa mga armas, niabot sa 322 ang ilang nakompiska gumikan sa kalapasan sa Commission on Elections gunban.

Duna usab 477 ka armas ang boluntaryong gi-turn over sa kapulisan atol sa pagpahigayon og Oplan Katok.

Samtang nikabat naman sa 1,638 ka mga deadly weapons ang nakompiska sa kapulisan.

Naglangkob kini sa 258 ka bladed weapons,16 ka granada, 10 ka Improvised Explosive Device ug 1,354 ka mga bala sa lain laing kalibre.

Nakatala usab ang PRO8 og 8 ka insidente sa pagpamalit og boto.

Unom ka suspek ang pabiling gawasnon, usa ang nakapiyansa ug duha ang gi-release sa kapulisan.

Ang pagpamalit og botos nahitabo sa mga lalawigan sa Northern Samar, Biliran, Leyte, Southern Leyte ug Samar.

Napasaka na hinuon sa kapulisan ang tukmang kaso batok sa mga nalambigit sa vote buying.

Wala naman hinuoy nasikop nga Private Armed Group o pulitiko nga nalambigit sa krimen atol sa piniliay.

Matod sa PRO8 nga ang maong accomplishments pamatuod lang nga seryuso ang kapulisan sa ilang trabaho aron protektahan ang katawhan sa posibleng di maayong panghitabo.

Dako ang panglantaw sa PRO8 nga ang daghang pulis nga gipakatap lukop rehiyon naghatag og impresyon sa katawhan nga sila luwas batok sa dautan.

“I commend all the police personnel who made the elections successful. And to all the key officers who religiously supervised their men, thank you for being with me in my endeavor for a peaceful elections” matod ni PRO8 Director Dionardo Carlos.

Gipasalig sa kapulisan nga di lang kutob sa eleksyon ang ilang paglutos sa mga dunay dautan og tuyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph