Sex video nahitabo sulod sa sinehan?

NAGPAHIMANGNO ang Regulatory and Complaint Board (RCB) sa mga movie houses human nikatap ang usa ka sex video sa mga menor de edad nga gituohang nahitabo sulod sa movie house.

Si Antonio Resma Jr., inspectorate team leader sa RCB, nanawagan sa mga operator sa sinehan nga dili tagaan og higayon ang mga kabatan-onan ilabi na mga menor de edad nga makahimo og mga dili maayong butang sulod sa susama niini nga patigayon.

"Nanghinaot ta nga katong mga movie operators dili nila tagaan og higayon atong mga minors nga makabuhat sa ingon ani nga mga butang klaro man nang regulations nga dapat dili gyud pwedi ang minors nga magsulod. Kung magsulod man galeng sila, dapat naay adult para motan-aw," matud ni Resma.

Nanghinaot usab kini nga mamahimong makaabag diha sa pagpatuman sa balaod ang mga operators ug makab-ot ang tumong nga mamintinar ang child-friendly city nga titulo.

Gidugang pa niini nga unta paniguraduhon sa operators nga dili mahitabo ang susama niini nga mga law-ay nga butang tungod kay ang tumong niini negosyo man ang paglantaw og sine.

"Hinaot ta nga, sila no atong partners man gyud sila nga sila may motabang pag-implement ani kay para man ni sa kaayohan sa kabatan-onan. Atong objective gyud nga ma maintain nato ang pagka child-friendly city sa Cagayan de Oro, at the same time pagprotect man sa atong children," dugang niini.

Nasayran nga duna na kini silay nasampolan kaniadto nga napasira na nga movie house human dunay nasapon nga mga menor de edad nga naghimo og dili maayo sulod sa maong patigayon.

Kahinumdoman nga nikatap sa social media ang sex video sa mga menor de edad nga gitoohang nahitabo sa movie house.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph