ANG Rizal Memorial Colleges (RMC) Davao United Bulldogs nakalingkawas sa Solido Violet, 4-3, via penalty shootout aron modaug sa men’s open championship title sa bag-uhay pa nahuman nga 2nd JTs Manukan Football Festival nga gihimo sa Azuela Cove sa Lanang, Davao City.
Ang duha ka tims puros nagtabla sa 1-all sa pagtapos sa regulasyon.
Sa penalty shootout, ang RMC Davao United mikamada og tulo ka goals kontra sa duha sa Solido Violet.
Si Ed Merrill Walohan, mao say giilang most valuable player (MVP).
Ang Solido Violet settled nabutang sa runner-up honors samtang ang Solido Orange sa ikatulo ug Blue Knights FC nga ikaupat.
Ang RMC milabni sab sa ikaduhang titulo sa mixed 9 division pinaagi sa taktika ni MVP Dennis Dimaano samtang ang Southshield FC nabutang sa ikaduha.
Ang Koronadal FC sa ikatulo ug ang Hyenas FC maoy uwahi.
Sa women’s open, ang Khanj miilog sa titulo kontra RMC College samtang ang Lady Knights FC ug RMC HS mitapos sa ikatulo ug ikaupat.
Si Patricia Erika Francisco sa KHanj ang MVP honors.
Si Sean Borla, miaswat sa Crocs FC aron kab-uton ang boys 12 crown kontra Rovers FC.
Ang Southshield FC ug RMC FC milangkat sa sunod duha ka pwesto.
Ang visiting teams Tamasak Panabo up Koronadal FC-A mibulsa sa mixed eight and parents/coaches titles.
Ubang kampeyon - Hyenas FC (mixed 10), Crocs FC (boys 12) ug Rovers FC (boys 11).