SECTIONS
Friday, July 19, 2019
SUPERBALITA DAVAO

Editoryal: Barado nga kanal

TING-ULAN na sab, diin ang usa ka dakong kamatuoran karong mga panahona sa Davao City mao ang pagbaha sa pipila ka mga dapit sa downtown area.

Kung mobaha, mapangutana dayon ang kaugalingon nga nganong mahitabo man kini nga sa milabay lang nga tuig gipang-ilisdan man og dagkong mga imburnal ang mga kanal.

Gani sa pag-repair niini, usa kini sa mga hinungdan nga misamot ang ka-trapik sa mga nag-unang kalsada ning dakbayan. Tungod ana, gisabot sa mga motorista ug katawhan kay kini alang man sa kalamboan.

Mismong ang Davao City Drainage Maintenance Unit (DMU) ug ang Department of Public Works and Highways (DPWH) ang nanguna sa pag-repair sa mga imburnal, sa paneguro nga di gyud mobaha.

Buot pasabot dili na unta mobaha kay bag-o naman ug dagko na ang mga imburnal, apan nganong masinati paman gihapon ang maong problema sa pagbunok sa ulan?

Lagmit ang pag-ilis sa mga imburnal, wala nahatagan og plano gumikan makita nga kung nabutang na ang bag-o nga imburnal matunga man sab kini sa lapok, buot pasabot katunga nalang sa imburnal ang agian sa tubig.

Mahulog gihapon sa walay pulos ang nahitabo, gagasto lang ang gobyerno sa giingong wala giplanohan nga proyekto.

Basin unya og gituyo kini sa mga dagkong kontraktor sa DPWH aron naa na sab sila’y trabahuon pag-abot sa pipila ka tuig, kay next project na sab?

Gikinahanglan unta nga nahimoan og maayong disenyo ug plano ang pagbutang sa mga bag-ong imburnal nga kanang sa pagbutang niini, dili matunga og lapok; karon bisan og lilion ang mga imburnal, nangbara ang lapok, katunga nalang niini ang giagian sa tubig.

Kini ang hinungdan nga kung mokusog ang bunok sa ulan, mibaha gayod kay katunga naman lang ang maagian sa tubig, gidugangan pa sa pipila nga walay pakabana sa kinaiyahan nga pataka nalang og labay sa ilang mga basura.

Unta subayon kini pag-ayo sa DPWH ug mamahimo sab unta nga responsable ang katawhan sa ilang mga basura nga di magpataka og labay niini aron di mobara sa kanal.

Mas maayong subayon ug planuhan kini pag-ayo aron mapuslan ug di mausik ang gasto sa gobyerno nga kuwarta gikan sa kabus.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph