SECTIONS
Thursday, July 18, 2019
SUPERBALITA DAVAO

‘Pay in’ sa lolo nga P1M gikamatay

KORONADAL CITY -- Patay ang usa ka senior citizen nga lalaki human giatake sa kasingkasing sa dihang nakurat sa mando nga pasirad-an ang Kapa (Kabus Padatuon) Community Ministry International, Incorporated alas 9:15 sa gabii, Lunes, Hunyo 17.

Nasayran nga ang biktima nga si Percival Alojado, 76, nagpuyo sa Barangay Poblacion, Polomolok sa probinsiya sa South Cotabato naka-pay in sa Kapa.

Sumala sa anak nga si Ambrose nga moabot sa P1 milyon ang gidonar o pay in sa iyang amahan nga gikan sa tinigum sa ilang pamilya.

Apan sa dihang nasayran sa biktima nga manira na ang Kapa subay sa mando ni Pangulong Rodrigo Duterte, kalit siyang giatake sa iyang sakit.

Nadala pa ang biktima ngadto sa tambalanan apan wala na kini makaabot nga buhi.

Nanawagan ang pamilya sa biktima ngadto kang Presidente Duterte nga unta tugotan nga mobalik sa operasyon ang Kapa o kaha i-uli na lang ang kuwarta aron magamit sa gasto sa haya ug lubong sa biktima. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph