SECTIONS
Wednesday, July 24, 2019
SUPERBALITA CEBU

Enforcers gi-buy bust

(Hulagway gikan sa Waterfront Police Station)

DUHA ka mga traffic enforcer sa Cebu City Transportation Office (CCTO), lakip na ang laing duha ka mga kauban niining drug pusher nasikop sa buy bust operation sa Waterfront police station alas 11:55 sa Miyerkules sa gabii, Hunyo 19, sa sitio Zapanta, Mc Arthur Boulevard, Barangay Tejero, Siyudad sa Sugbo.

Ang mga nadakpan mao silang Ervic Navarro, 38, traffic enforcer, taga sitio Tugas, Barangay Inayawan, Siyudad sa Sugbo; ug Francis Abe Mordeno, 40, laing enforcer, taga MJ Cuenco ave., Barangay T. Padilla, Cebu City.

Lakip sa nasikop ang target sa buy bust operation nga si Reynaldo Ricarte, alyas Pawpaw, 29, taga sitio Zapanta, Barangay Tejero, ug si Mark Alcos Miñosa, 39, taga Apas, Siyudad sa Sugbo.

Matod ni Police Captain Joemar Pomarejos, hepe sa Waterfront Police Station, nga ilang napalitan sila si Pawpaw ug Navarro sa gawas sa balay niini.

Si Mordeno ilang naabtan sa sulod nga nagsuyop sa gituohang shabu.

Sila si Navarro ug Mordeno nanghimakak nga ilaha ang shabu nga nakuha.

Sa nakuha nga impormasyon ni Pomarejos, bisan nagtrabaho isip mga traffic enforcer ang duha, nagpadayon sila sa ilang pagkalambigit sa ilegal nga drugas.

Nakuha gikan sa mga dinakpan ang lima ka gramos nsa gituohang shabu nga mobalor ang tanan og P34,000.

Ang upat gibalhog na sa Waterfront Police Station ug gitakdang pasakaan na og kaso karong adlawa ngadto sa korte.

‘Bati og record’

“Bati ang ilang gipakita”, paghulagway ni CCTO operations chief Francisco Ouano.

Matod ni Ouano nga sa wa pa siya nisulod sa serbisyo, naa na sila si Navarro ug Mordeno.

Ang duha nagserbisyo na og sa 15 ka tuig isip casual employees sa CCTO ug kanunay magkuyog kon asa sila madestino.

Gibutyag ni Ouano nga notado na sa pagpangilkil ug mogamit og ginadiling drugas sila si Navarro ug Mordeno.

Iya na kining gimaymayan ug wa siya nagkuwang sa pahimangno ug gitambagan nga biyaan ug undangon ang bating binuhatan.

Kini ikauwaw sa ilang departamento labi na niya nga maoy nagdala isip head officer.

Matod ni Ouano nga naghuwat siya sa termination paper aron iyang pirmahan ug i-forward sa mayor’s office. (AYB & Jennylyn Mabini, CNU Comm Intern)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph