ANDAM mopusta si legendary boxing trainer Freddie Roach sa umaabot nga away ni Manny Pacquiao batok ni undefeated Keith Thurman karong Hulyo 20 (Hulyo 21 sa Pilipinas) didto sa MGM Grand Las Vegas, Nevada.
Kini human nga nabiya ang 40-anyos ug eight-division champion sa pustada batok ni batan-on og wala pay pildi nga si Thurman.
“I haven’t made a bet in a long time, but the oddsmakers have brought me back. I’m going to make a huge score betting on Manny in this fight,” matod ni Roach. “Manny loves beating undefeated fighters, especially the younger ones. Heck, at this stage of the game, everyone Manny faces is younger. But that makes it fun for Manny. And when Manny is having fun, his opponents had better watch out.”
Nakadugang sa kaikag ni Roach mao ang gipakita ni Pacquiao sa unang adlaw sa iyang training sa Wild Card Gym didto sa Los Angeles nga iya ni Roach.
Gikatakda unta sila nianang adlawa og unom ra ka round nga sparring apan miinsister si Pacquiao nga kini himuon nga walo ka round.
Gipadayag ni Roach ang iyang katagbaw sa gihimo nila ni conditioning coach Justin Fortune ug Buboy Fernandez samtang dinhi pa sa Pilipinas nagsugod sa pag-ensayo si Pacquiao.
Gipanglantawan usab ni Roach ang kaanindot makapaukyab unya nga away tali sa duha.
Ana man tuod ang kabatan-on ug ang dak-on ni Thurman apan ang kaabtik ug ang kalihukan atoa dap-ig usab ni Pacquiao (61-7-2, 39 KOs), sigon sa obserbasyon ni Roach.
“This is a great matchup. Thurman (29-0, 22 KOs), has youth and size. I’m sure he will come into the ring with 160 pounds behind his big right hand. Manny will be under 150,” dugang ni Roach. “But we will have speed and movement.
Matod ni Roach nga bisan sa iyang pangidaron, napamatud-an gihapon ni Pacquiao ang iyang kusog ug kaabtik sa niaging away niini batok ni Lucas Matthyssee ug Adrien Broner. (JBM)