MEDICO-LEGAL INVESTIGATION: Ang resulta sa medico-legal investigation sa National Bureau of Investigation (NBI) 7 sa lawas sa 9-anyos nga tinun-an sa lungsod sa Badian. (Arnold Bustamante)
MEDICO-LEGAL INVESTIGATION: Ang resulta sa medico-legal investigation sa National Bureau of Investigation (NBI) 7 sa lawas sa 9-anyos nga tinun-an sa lungsod sa Badian. (Arnold Bustamante)

Kamatayon sa 9-anyos dunay foul play?

BATA nga giingnng nahikog sa duyan sa lungsod sa Badian sa miaging semana, nasuta sa autopsy nga dunay foul play .

Gipaubos sa autopsy sa medico-legal officer sa Natioal Bureau of Investigation) 7 ang 9 anyos nga batang lalake nga napalgan nga wala nay kinabuhi nga nagbitay sa duyan nga nahikot na sa habol ang liog.

Sa awtopsiya, nasuta nga gilubag ang liog niini ug adunay samad nga nakita sa liog sa 9 anyos nga bata ug tungod niini, ang NBI mohimo nag imbestigasyon uban ang kapulisan.

Ang bata nga giila nga si Def Leppard Siclajon, 9, taga Barangay Malhiao, Badian.

Si Dr. Rene Cam sa NBI 7 nagkanayon nga aduna siyay nakita nga kadudahan nga gituyo ang kamatayon sa bata nga angayan nga ipaubos sa imbestigasyon ang nahitabo sa biktima.

Nakakitag garas si Cam sa liog duol sa suwang sa bata ug ang nakapakurat pa sa medico-legal officer nga iyang na diskobrehan ang pagka-dislocate sa bukog sa liog niini nga gituohan niya nga gituyo sa paglubag sa kusgan nga tawo.

“Di ba naa man tay mga vertebrae, naa siyay dislocation sa iyang first cervical vertebrae which can be due only to hyperextension of the neck either backwards or sidewards, there is a posibility nga there is another force nga naka cause ana,” matod ni Cam.

Hinuon, ang resulta sa autopsy matod ni Cam nga dili maka tug-an kung gituyo o aksidente ang pagka lubag sa liog sa bata nga maoy hinungdan nga iyang gisugyot nga ipaubos sa imbestigasyon ang kamatayon sa bata.

Gipasabot usab niya nga ang bata nga si Def Leppard dili makahimo nga siya ra tungod kay makasinati og grabeng kasakit ang bation niini tungod kay balion man niini ang bukog sa liog.

“siya mismo sa iyang kaugalingon he cannot do that because if you hyperextend your neck sakit man na kaayo, so you have to stop dili gyud na up to the point nga imo gyung balion imong liog kung ikaw ra ba kung siya ra mismo ang nag buhat ana,” dugang ni Cam.

Tungod sa resulta sa autopsy sa medico-legal office niini, si NBIi 7 Director Attorney Tomas Enrile nimando karon nga mohimo silag imbestigasyon.

Apan, matod niya nga kinahanglan nga adunay koordinasyon sa lokal nga kapulisan sa maong lungsod pagsuta kinsa ang naghimo sa krimen.

Sa pasangil nga wala ayoha sa pag imbestigar sa Badian police station ang nahitabo sa bata ang Cebu Provincial Police Office (CCPO) mohimo og pakisusi labot niini.

Matod ni Police Lieutenant Colonel Eloveo Marquez nga ilang tan-awon kung aduna bay lapses ang Badian police station sa paghawid sa imbestigasyon.

Ang amahan sa bata maoy nagduda sa kamatayon sa iyang anak. (AYB)

Related Stories

No stories found.
SunStar Publishing Inc.
www.sunstar.com.ph