SECTIONS
Thursday, July 18, 2019
SUPERBALITA CEBU

Patay sa away sa parking lot

AWAY sa parking space maoy hinungdan sa pagpamusil- patay sa usa ka lalaki sa Sunshine Valley, Barangay Quiot, dakbayan sa Sugbo kagahapon, Hunyo 20, pasado alas 6:30 sa buntag.

Ang biktima nailhan sa kapulisan nga si Vladimir Despi Alatraca alyas “pilox”, 40, minyo, samtang ang suspek giila nga si Jersam Armecin, 46, supervisor sa usa ka kompiya.

Ang duha managsilingan sa naasoy nga dapit.

Sa inisyal nga imbistigasyon sa kapulisan nga gipangulohan ni PSSG. Jhon Eric Samosa, Police Investigator sa Labangon Police Station nga nasayran nga ang duha adunay panagbikil pipila na ka adlaw ang milabay nunot sa panag-ilog sa parking area sa ilang sakyanan.

Ang duha gipatawag na sa barangay aron husayon unta.

Apan sa wa pa nahitabo ang ilang panaghusay sa barangay, samtang ang biktima nagsakay sa iyang motorsiklo ron unta mopalit og isda kagahapon, nagkaabot sila ni Armecin nga nagmaniho sa iyang sakyanan nga itom nga Ford pick-up ug adunay dala nga armas.

Matod sa mga nakakita, ang suspek nisuway og bangga sa sakyanan sa biktima nga maoy hinungdan nga nasuko kini og nanghagit kini ug sinumbagay.

Human sa ilang panagbangi, ang suspek kalit nga migawas sa sakyanan og mipusil sa biktima diin naigo kini sa hawak ug human kini nasurasay, gitiwasan pa kini sa pagpusil sa makaduha nga higayun hinungdan nga sa iyang hinanaling kamatayon.

Human sa pagpamusil , nipadagan ang suspek sa iyang sakyanan padulong sa highway sa maong dapit apan pipila lang ka oras, nitahan ngadto sa usa ka barangay konsehal ug tanod sa Barangay Quiot ug dayon gidala kini sa Police Station 10.

Ang suspek miangkon sa iyang binuhatan ug nisaad nga itahan ang puosil nga gigamit pinaagi sa iyang abogado.

Ang sakyanan nga gigamit sa suspek anaa na sa kustodiya sa kapolisan.

Ang suspek nipaubos sa paraffin test ug mag-atubang sa kasong homicide.

Matod ni Samosa, ”For the meantime, homicide ang ipasaka nga kaso nato aning suspek (Armecin) but it’s not final kay basin naa tay laing witness nga mo usab ang istorya. If the evidence is strong, basin puwede nato ipasaka ni sa murder.’

Naabtan sa kapulisan ang lawas sa biktima nga nag-ubo sa yuta nga nagsul-ob pa og helmet nga dunay tulo ka mga samad pinusilan sa nawong ug tiyan.

Na-recover gikan sa crime scene ang tulo ka empty shells sa 9mm pistol nga gidudahang gikan sa armas sa suspek. (Jessa Mae Genobisa ug Leonor Jorge, CNU Interns)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph