SUPERBALITA DAVAO

Datba tournament: Magdale, Aquiatan nanghawod

SILA Virgilio “Billy” Magdale and ug Aquiatan mikampeyon sa managlahing Davao Tenpin Bowlers Association (Datba) tournaments nga gihimo sa SM Lanang Premier Bowling Center.

Si Magdale, nga doktor sa mata, mipaligid og 611 pins human ang tulo ka duwa sa weekly tournament nga gihimo Martes sa gabii.

Siya mipildi nila Jesrael Rule ug Gab Velasco nga nabutang sa ikaduha ug ikatulong pwesto nga maoy qualifying sa monthly finals.

Si Rule miiskor og 608 pinfalls samtang si Velasco mipaligid og 600.

Ang top three players midawat og P900, P400 ug P200.

Si Aquiatan, mao say mipahagba sa 615 ka pins sa laing three-game bowlfest, Sabado sa gabii sa samang venue.

Mipauli siya dala ang P700 nga premyo.

Si Crystal Chavez mibungkag sa 601 pins aron makuha ang runner-up prize nga P300 samtang si Julius Cajis, 571, midawat og P300 isip third placer.

Laing qualifying tournament himuon karong Sabado. (MLSA)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph