SILA Ronie Torlao ug Darmilyn Dela Cerna sa Sta. Cruz, Davao del Sur miangkon sa 50K titles sa Mt. Hamiguitan Trail Race nga gihimo sa San Isidro, Davao Oriental.
Si Torlao mioras og walo ka oras, 20 minutos, aron pildihon si Rovel Mallari (8:20:01) ug Rexel Aguirre (8:27:59) aron makuha ang mens’ 50 crown.
Sa distaff side, si Dela Cerna (12:13:18) mipildi nila Karin Widmer (12:50:22) ug Edmel Parcia (13:21:36).
Sa pikas bahin, sila Merjones Abugan sa Panabo City ug Ma. Monica Aaron mibulsa sa 25K titles.
Si Abugan mioras og duha ka oras, 57 minutos ug 47 segundos aron manguna sa men’s event samtang si Jesfer Angelo Mamon sa Digos City ug Mardione Albert Mozo sa Davao City mihuman sa ikaduha ug ikatulo.
Si Mamon mioras og 3:11:04 alang sa runner-up samtang si Mozo mirehistro og 3:37:56.
Samtang si Aaron sa Kapalong, Davao del Norte nakauna sa mga kaatbang human mioras og 5:08:31 aron makuha ang titulo sa women’s.
Ang taga Davao City nga si Beberly Lim, sa iyang parte mihuman sa ikaduha, uban ang oras nga 5:34:51 samtang si Marjorie Maru sa Davao City (5:36:27) ikatulo.