Duterte gitagalan

PAGLAUM, panawagan nga sila dunggon nga subling buksan ang Kapa Community Ministry International Inc., ang naghiniusang tingog sa mga miyembro sa ilang synchronized rally nga gisugdan Huwebes, Hunyo 20, hangtud karon sa nagkadaiyang bahin sa Pilipinas.

Dinhi sa Davao Region, gatusan ka mga miyembro gikan Davao City, Davao del Norte lakip na Compostela Valley ang nagtigum sa New City Hall sa Tagum City.

Samtang didto sa General Santos City, nagkahiusa sab ang mga members sa Oval Plaza alang sa prayer rally.

Sa tema nilang “Nagkakaisang Pilipino para sa mga Mahihirap,” tumong sa mga miyembro nga subling manawagan sa gobyerno nga di na liugon ang Kapa, tugutan na kining maka-operate og balik aron makatabang og balik sa mga miyembro niini.

Nauna nang nanawagan ang lider sa grupo nga si pastor Joel Apolinario ngadto sa tanang miyembro nga moapil sa rally aron mapugos ang gobyerno nga mopabor kanila.

Ni Apolinario sa video message niya sa nakalabay nga adlaw, way laing pamaagi sa kasamtangan mao ang rally, diin di sab sila makahatag og kuwarta sa mga miyembro kay naka-freeze ang ilang bank account.

Lumad misuporta sa Kapa

Samtang usa ka suwat gikan Federal Tribal Government of the Philippines (FTGP) ang mikatag sa social media, diin nag-demand kini sa gobyerno nga ibalik ang operasyon sa Kapa sud sa 72-oras.

Sa maong suwat, nakasuwat ang pag-endorso nga “Dismissal of all imaginary and premeditated cases against The Kapa Community Ministry International Inc., in 72 hours.”

Ang suwat gipirmahan ni Datu Douglas Mangcal, FTGP provincial tribal chieftain sa tribung Blaan sa Davao del Sur ug ubang opisyales.

Gi-demand sa grupo nga paboran ang Kapa, ug gilantaw ang dakong tabang nga nahatag niini sa mga kabus lakip na sa mga lumad.

Gi-highlight ni Mangcal sa suwat ang IPRA Law of 1997, Republic Act 8371 nga naghatag og proteksiyon sa mga lumad.

Niya, gihangyo nila ang gobyerno sa ayuda ug interbensiyon nga ipatigbabaw ang katungod sa lumad nga naapektuhan sa pagpanira sa Kapa.

Ang maong suwat sa grupo gipadala nila sa buhatan sa presidente, sa United Nation Secretary, Ombudsman, Department of Justice ug Department of Interior and Local Government (DILG).

Asa si Apolinario?

Pila ka adlaw una ang synchronized rally sa grupo, miguwa sab ang hulagway ni Apolinario samtang nagkaon og salbaro, samtang ang usa ka hulagway nakita siyang naghigda sa karton nga giplastar sa yuta.

Mga miyembro nga nakakita sa maong hulagway, naluoy og maayo sa pastor nga suma nila, mitabang ra sa mga pobre, apan mao karoy giipit sa gobyerno.

Giangkon ni Apolinario nga nagtagu-tago siya karon tungod sa hulga sa iyang kinabuhi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph