SECTIONS
Wednesday, July 24, 2019
SUPERBALITA CAGAYAN DE ORO

4ID andam motabang sa mga bakwit

NIHATAG og reaksyon ang 4th Infantry Division-Philippine Army (4ID-PA) kalabot sa nahitabong pagpahawa sa Kapitolyo Probinsyal sa mga bakwit nga tuig kapin na nga nagpuyo sa Capitol Park human sa ilang ingon nga naipit sa engkwentro tali sundalo ug New People's Army didto sa Sitio Mikamansi, Barangay Banglay, lungsod sa Lagonglong, Misamis Oriental.

Si Captain Reggie Go, kinsa tigpamaba sa 4ID, niingon nga bisan sila mga kasundalohan naglantaw nga makabalik ang mga bakwit sa ilang komunidad aron makapuyo nga normal.

"Mas gusto namo nga mobalik na sila sa ilang kumonidad para mamuyo nga normal. Maatiman nila ilang mga tanom, binuhi nga mga hayop og uban pang panginabuhian," matud ni Go sa SunStar Superbalita Cagayan de Oro.

Pagklaro ni Go nga wala nagkampo sa komunidad sa mga bakwit ang mga sundalo.

"Ang Army wala nag kampo sa ilang kumunidad. Naa didto ang tropa para sa Community Support Program activities para sa kalinaw og kalamboan. Dili sila angay mabalaka kay nagsubay me sa balaod, nagrespito me sa ilahang katungod og nagpatuman lang sa mga proyekto katambayayong ang mga ahensya sa gobyerno," dugang niini.

Nakapangutana sab si Go nganong sila man gyod mga sundalo ang sentro sa nga pahawaon sa mga bakwit nga kalinaw man ilang tinguha ug makatabang kanila.

"Ang pangutana, mao ba gyod na ilang gusto? O gusto lang sa mga organizer nga dili taga didto nga naga manipula nagasulsol sa ilaha?" dugang ni Go, kinsa miingon nga kinahanglan unta ang pagtinabangay.

"Dapat magtinabangay kita, kay pareho ra ta nangandoy sa malinawon og hapsay nga pagpuyo," matud ni Go.

Ang mga bakwit una na nga nipaabot nga bout nilang mamahawa ang mga sundalo sa ilang lugar tungod kay kung anaa ang presensya sa mga sundalo, dako ang posibilidad nga adunay engkwentro nga mahitabo tali sa NPA ug ilang giingon nga sila ang maipit sa giyera.

"Kung naa man gud ang mga sundalo didto, kami ang gakaipit sa giyera. Ignon pa mi nga supporters sa NPA ug paangkon-angkunon mi. Gakahadlokon sab mi nila nga martial law karon," kini ang sulti ni Junley Ilogon sa interbyu sab sa SuperBalita.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph