Bakwit supporters sa NPA?

DILI makumpirma sa Misamis Oriental Provincial Police Office (Moppo) nga supporters sa walhong grupo nga New People's Army (NPA) ang mga bakwit nga bag-o lang napahawa sa Capitol Park human sa usa ka tuig nga pagpuyo sa dapit.

Kini ang gibutyag ni Police Colonel Rolando Destura atol sa press briefing nga gipahigayon sa Kapitolyo Probinsyal human sa clearing operation ug settlement sa internally displaced people (IDP).

Matud ni Destura nga hangtod karon, nagpabilin gihapon kana nga walay basihan ug dili makumpirma.

"So far, hindi pa rin natin na-conclude," matud ni Destura, kinsa miangkon nga adunay ilang kauban kaniadto nga positibong ang iyang kapikas usa ka miyembro sa NPA nga gusto makita ang iyang asawa nga anaa kauban sa bakwit.

Gitubag sab sa Provincial Social Welfare and Development Office (DSWD) ang pangutana kong ang bugas nga nadiskubre nga moabot og 47 ka sako ang gipanag-iyahan ba gyod sa Kapitolyo Probinsyal.

Matud ni PSWD Acting Head Jhunleymar Abella nga walay lain nilang nahibaloan nga naghatag og bugas sa mga bakwit kondili ang ila lamang buhatan, hinungdan dako ilang pagtuo nga tinigum sa mga bakwit ang maong mga bugas.

"Gani paman ato gyod kana silay gina-priority atong IDPs naay uban gakinahanglan di mahatagan kay atong unahon para sa ilaha ug sa akong gikaingon ganina, we are shocked to see nga daghan diay kaayo diha bugas sa sulod ug sa balaod pod sa NFA, dili ta ka procure ug ingon ana kadaghan nga bugas kung kita ang mopalit. Sa among nakita nga gikan gyod sa among office ang maong mga bugas," pagklaro ni Abella.

"Kung mag-request sila og pagkaon, among ihatag deretso kay ilang ingon wala na gyod silay bugas," dugang niini.

Dili matubag sa bakwit nganong daghan bugas ang ilang gihuptan ug gawas sa Kapitolyo Probinsyal nga gasuporta sa pagkaon, wala silay gisulti nga adunay laing misuporta kanila.

Kwestyonable alang sa katawhan nganong daghan bugas ang wala magamit ug nganong ila kining gipundo karong panahona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph