SUPERBALITA CEBU

Kapa 'nag-rally' sa Talisay

Hulagway kuha ni Dennes Tabar

KAGAMHANAN sa Dakbayan sa Talisay nakalitan human nga ang Kapa-Community Ministry International Inc. nakapahigayon og prayer meeting sa Talisay City Sports Complex sa Huwebes, Hunyo 20, 2019.

Ang ni-apply aron makagamit sa gym mao ang Victorious Nissi Christian School Academy Inc., apan natingala sila sa dihang aduna nay tarpaulin sa stage nga nakabutang nga Kapa.

Si Jeaneth Villagonzalo, executive direktor sa Sports Commission, nibutyag nga ang tunghaan ang gigamit sa grupo sa pag apply nila og permit.

Ang Victorious Nissi usa ka tunghaan sa Barangay Mohon ug kanunay nang nakagamit sa ilang gym sa bisan unsa nilang mga kalihukan ilabina sa ilang religious nga mga programa.

Apan giklaro usab ni Villagonzalo nga wa silay problema sa grupo tungod kay ang gym magamit ni bisan kinsa basta makakuha lang og permit.

Ang grupo nibutang og tarpaulin sa stage sulod sa complex nga adunay suwat nga “One Voice and One Heart. Ibalik ang Kapa.”

Ang tag-iya sa tunghaan, Dr. Reenee Magdadaro, nilaksi sa tarpaulin nga ilang gibutang.

Iyang gipasabot nga bisan pa, di kini makapausab sa ilang pag-ampo aron mabalik ang Kapa.

“Ganahan pa mo nga mobalik sa pagtanom og kamote? Kon wala ang Kapa, mag unsa ta?,” sigon pa niya.

Si Magdadaro, sa interbyu sa sibyaanang CCTN Channel 47, niingon nga dako og natabang ang Kapa sa ilang tunghaan kay mayoriya sa mga tinun-an gi-subsidize ang 40 porsyento sa tuition. (DRT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph