SAMA sa gilauman, gipili sa New Orleans Pelicans si Zion Williamson isip No.1 overall pick sa 2019 National Basketball Association (NBA) Rookie Draft.
“I dreamed about this since I was 4,” matod ni Williamson.
Ang 6’7” power forward nga produkto sa Duke naglingkod kauban ang iyang pamilya sa dihang gitawag ang iyang pangalan sulod sa Barclays Center sa Brooklyn.
“I don’t know what to say,” matod sa naghilak nga si Williamson. “I didn’t think I’d be in this position. My mom sacrificed a lot for me. I wouldn’t be here without her.”
Si Williamson, kinsa maoy napiling college basketball player of the year, midominar sa bugtong niyang tuig sa college basketball diin nag-average siya og 22.6 puntos, 8.9 rebounds ug 2.1 assists.
Ang lumad nga taga Spartanburg, South Carolina mahimo dayong deretso nga lider sa Pelicans.
Ang Pelicans, nga wala nakasulod sa playoffs sa miaging season dala ang 33-49 nga rekord, mibuhi sa ilang All-Star center nga si Anthony Davis ngadto sa Los Angeles Lakers sa usa ka blockbuster trade.
Gipasabot ni Williamson nga wala niya kapugngi ang pag-agas sa iyang mga luha gumikan sa iyang gugma sa duwang basketball.
“Because I love the game of basketball. You can hear people say things like, ‘Oh, that it was likely I was going to go No. 1.’ But I guess you don’t know until you actually go through it,” matod niya.
“Hearing my name called and I was able to make it on stage without a tear, shake the commissioner’s hand, but in the interview my mom was standing beside me, and my emotions just took over.”
Misaad si Williamson nga buhaton niya ang tanan aron matabangan ang Pelicans nga makahakot og kadaugan ug mahimong usa ka title contender. (AP, ESL)