Binghay: Solusyon paglahutay og dugay

HUMAN sa sakit nga panagbuwag, kumon kining mga rasona nga imong madungog: segi’g ga-bangga ang mga huna-huna, pulong, og buhat, lain og personalidad, di magkasinabot maong way kalinaw ug kalipay, og naa nay bag-ong nakit-ang gikalingawan.

Kung kini mahitabo, imo dayon kining ipadaplin ug i-deny to death kay sakit baya idawat ang kamatu-oran nga break na mo. Sa imong kasing-kasing, naglaom ka pa nga mahilot og di madayon imong gikahadlukan nga mag-inusara.

Apan kahibalo ka ba nga di ni maoy tinubdan nga rason nganong magkabuwag maong bisag unsaon pa pagpangita og solusyon aron mahilot ang relasyon, wa gihapoy nada.

Usa ra ang tinubdan ining tanan- ang pagkawala sa attraction, ma babaye man o lalaki kay kon nagpabilin pa kini maningkamot man ang usag-usa pagpangita og paagi para molahutay ug magdugay.

Kung gusto pa ka nga magkabalik inyong maayong buot ug mahilot inyong relasyon sa imong kanhi, ayaw buhata kining mosunod:

Pagpakiluoy aron higugmaon pagbalik bisag siya pa ang imong nag-inusarang gibathala. Hinumdumi nga para magkabalik mo, siya sab dapat maningkamot ug maninguha, dili one way.

Sunod, bangon, pamaspas ug ipakita nga di ka masulob-on. Ipakita nga maya ug malipayon gihapon ka bisan og nag-inusara. Ayaw pagsubo kay tinuod way gustong makig-kuyog nimo kon kanunay kang mag-mugtok, magul-anon, saputon, ug daling masuko.

Ayaw himo-ang hostage inyong mga anak para lang balikan ka. Ayaw sab gamita imong bahandi, kabtangan, sapi lakip imong lawas para lang ka balikan. Gani, kini hinuoy maka-paubos sa respito sa imong pagkatawo.

Ayaw sab pakig-debate kon kinsa ninyo ang mas hawod kay basin unya og ikaw ray ma-unay sa imong kaugalingong tari. Kiputa ang baba aron way daghang estoryang sayop.

Ayaw usba o bag-oha ang kaugalingon kay obvious nga nagpaka-aron ingnon ka lang unya sa ngadto-ngadto molutaw ra gihapin ang imong tinuoray nga kolor.

Hinuon, ibalik imong mga hiyas ug alindog nga iyang giganahan ug nahigugmaan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph