SECTIONS
Tuesday, July 23, 2019
SUPERBALITA CEBU

Pusher patay sa buy bust

PATAY: Giyayungan ang lawas ni Ramil Amagos, mga 30 anyos, taga Sitio Magay, Brgy. Tangke, Talisay City human siya mapatay sa kapulisan sa siyudad atol sa buy bust operation. Estorya sa pahina 2. (Gikan sa CCTN)

NAMATAY ang suspetsadong drug pusher human giingong nisukol sa kapulisan sa Dakbayan sa Talisay nga modakop unta kaniya atol sa buy bust operation niadtong Huwebes sa udto sa Sitio Magay, Barangay Tanke.

Ang namatay giila sa kapulisan nga si Ramil Amagos, 30, nagpuyo sa dapit.

Si Police Lt. Col. Marlu Conag, hepe sa kapulisan sa Talisay City, niingon nga nakadawat sila og mga reklamo sa mga lumolupyo batok kang Amagos.

Giingon nga magbaligyaan kini og shabu sa ilang dapit.

Ila kining gihimoan og buy bust operation.

Samtang nagpadayon ang transaction, si Amagos nakabantay nga pulis ang iyang gika-transact.

Giingon nga ang suspek niibot sa iyang armas ug namusil, apan wa makaigo sa pulis.

Nibawos ang mga pulis sa pagpusil kang Amagos, kinsa naigo sa nagkadaiyang bahin sa lawas.

Niabot ang Talisay Rescue Emergency Assistance Team (TREAT) personnel nga ilang gipahiling sa lawas ug nikompirmar nga patay na kini.

Ang mga sakop sa Scene of the Crime Operation (SOCO) nakakuha og usa ka .38 nga revolver nga adunay upat ka mga bala, duha ka mga kabhang nga naa sa cylinder, usa ka slug ug usa ka plastic sa ginadiling drugas.

Si Amagos nasikop na kaniadto apan human nakagawas, nibalik kini sa pagpamaligya og ilegal nga drugas.

Toledo City

Habalhabal driver gidakop human nakuhaag binultong drugas niadtong Huwebes sa hapon sa Brgy.Dumlog, Dakbayan sa Toledo.

Si Junard Exekil Pepito,40, dunay kapuyo, drug surrenderer, nasikop human sa buy bust operation.

Si Police Staff Sgt. Reno Alllego, sa Toledo Police Station nga nahinabi sa Superbalita Cebu, nagkanayon nga si Pepito nakuhaag dakong putos, lima ka gagmayng putos, P200 nga buy bust money ug halin nga P740.

Ang shabu nga nasakmit mobalor og P156,000.

Si Allego nibutyag nga si Pepito naa sa ilang watchlist, nitahan apan nagpadayon sa negosyo sa illegal nga drugas. (DRT, GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph