KARONG Dominggo, Hunyo 23, ang GMA Public Affairs mopresenta sa travel-environmental documentary nga magbukas sa mata sa viewers sa isyu nga nagpalibot sa mga heritage sites sa nasud, via Pamana: Saving our Heritage nga pangunahan nila Kara David, Raffy Tima, ug Mariz Umali.
Ang Pilipinas pinuy-anan sa kulba-hinam nga dapit, nga mikuha sa atensiyon sa kalibutan.
Pipila ka lugar dinhi ang girekognisa isip world heritage sites sa United Nations Educational, Scientific, and Cultural Organization (UNESCO)usa ka international group nga nagpromotar sa preserbasyon sa “cultural and natural heritage” lukop kalibutan.
Sa kasamtangan may unom ka world heritage sites sa nasud: Baroque Churches of the Philippines, Tubbataha Reefs Natural Park, Rice Terraces of Philippine Cordilleras, Historic City of Vigan, Puerto Princesa Subterranean River National Park, ug Mount Hamiguitan Range Wildlife Sanctuary.
Sa ilang maanindot nga itsura ug balyu ning mga lugara, nakatampo kini sa dugang rekognasyon sa nasud.
Apan sa pagpanglabay sa panahon, partikular climate change, nabutang sa alanganin kining mga dapita.
Sa unom ka heritage sites, tulo kanila ang gikatahong nameligro.
Ang Banaue Rice Terraces nanginahanglan og rehabilitasyon tungod sa grabeng pagdahili sa yuta, Puerto Princesa Subterranean River nga nabiktima sa epekto sa climate change, ug Historic City of Vigan nga nag-atubang sa hagit nga pagpreserba sa cultural value niini.
Uban sila Kara, Raffy ug Mariz, subaya kining mga dapita ug unsa ang himuon aron sila masalbar.
Atangi ang Pamana: Saving Our Heritage karong Dominggo, Hunyo 23, 3:30 p.m. sa GMA.