TULO ka duwa ang angay atangan sa pagbukas sa Davao Youth Basketball League (DYBL) ug Liga Pinay 2019, alas 12:15 p.m. karon sa Gaisano Grand Citimall SkyGym sa Davao City.
Ang simple nga opening program tambungan ni Mindanao Peace Games convenor Noli Ayo ug Jr NBA Coach of the Year 2016 Christopher Araneta isip bisita.
Ang organizer, Rael Diaz sa Red Sports Events nagsulti nga usa ka match ang i-feature sa matag kategoriya sa pagbukas sa kompetisyon.
Sa ala una sa hapon, magtigi ang Daniel R. Aguinaldo National High School (Dranhs) kontra Assumption College of Davao (ACD) sa Liga Pinay girls division.
Ang DYBL cadet teams Crossing Bayabas National High School (CBNHS) ug Jesus Soriano National High School (JSNHS) magbugno sab sa alas 2:15 p.m. sa bracket B samtang ang Davao Christian High School makigsangka sa Assumption College of Davao (ACD) sa DYBL-Junior category bracket B.
Ang Davao Jones Academy modepensa sa ilang junior title karon nga tuig.
Anaa sa 32 ka tims ang magtigi sa DYBL ug 10 ka tim sa Liga Pinay.
Sunod nga duwa paghuman sa Hunyo 22 ngadto Septyembre 28 himuon sa Margarita Gym sa J.P. Laurel Avenue ug Mutual Homes Gym sa Catitipan.
Ang liga nakigpartner sa Diamond Knights.