SA pagtumaw sa grabeng katalagman libot sa kalibotan karon, makahinumdom kita sa pelikula nga ‘2012’ sa miaging tuig.

Usa kini ka science fiction nga gibituonan nila ni John Cusack, Chiwetel, Amanda Peet uban pa sa direksyon ni Roland Emmerich ubos sa Columbia Pictures.

For updates from around the country, follow Sun.Star on Twitter

Ang estorya sa pelikula gibasi sa panagna sa Mayan nga kalendaryo nga nagtumbok sa tuig 2010 nga panahon sa panudya - kaguliyang sa tibuok kalibotan.

Gawas sa kasamok tungod sa di panagsinabtanay sa katawhan, mohasi ang grabe kainit sa silaw sa adlaw, pagkalusno sa tibuok Los Angeles, kusog nga linog motay-og sa daghang dapit, Megatsunamis moharos sa kalibotan - sumala sa paghulagway sa ‘2012.’

Ning ulahi, ang mga esena sa maong pelikula nanumbalik sa mga balita .

Una, ang kapin sa 200 mil ka mga tawong namatay sa Haiti tungod sa linog nga may magnitude nga 7.0 sa miaging buwan.

Sa miaging adlaw lang, ang Chile gitay-og sa 8.8 magnitude nga linog pipila ka adlaw human usab sa kusog nga linog sa Japan.

Dinhi sa Pilipinas, gitay-og og linog ang amihanan-silangang bahin sa Luzon, silangan sa Kabisay-an ug silangang Minandao. Gawas sa El Niño phenomenon nga atong giatubang.

Di maayong tilimad-on. Mag-ampo kita nga ang ubang mga panghitabo kuton na lang unta sa pelikula. Apan way sukod sa pisikal ug espirituwal nga pagpangandam sa hagit sa atong kinabuhi.